افریقی ملک سینیگال سے تعلق رکھنے والے معروف فٹبالر ساڈیو مانے نے اپنی دوست عائشہ تامبا سے شادی کرلی۔
بین الاقوامی خبررساں ادارے کے مطابق سینیگال کے کپتان اور سعودی کلب النصر کے کھلاڑی ساڈیو مانے دارالحکومت ڈاکار میں منعقدہ ایک نجی تقریب میں اپنی 19 سالہ دوست عائشہ تامبا کے ساتھ شادی کے بندھن میں بندھ گئے۔
ذرائع کا کہنا ہے کہ یہ شادی 7 جنوری کو دارالحکومت ڈاکار کے علاقے کیور مسر میں 13 جنوری کو افریقہ کپ آف نیشنز شروع ہونے سے صرف چھ دن قبل ہوئی۔
تقریب میں اہل خانہ، دوست احباب اور ساتھی فٹبالرز نے شرکت کی۔
رپورٹس میں دعویٰ کیا گیا ہے کہ عائشہ اپنی نوعمری سے ہی 31 سالہ فٹبالر سے شادی کرنے کا ارادہ رکھتی تھیں۔
سینیگال میں رضامندی کی قانونی عمر 16 سال ہے۔
رپورٹس میں انکشاف کیا گیا ہے کہ ساڈیو مانے نے اپنی دوست عائشہ تامبا کو پہلی مرتبہ جب دیکھا تھا تب وہ 16 سال کی تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News