فیفا ورلڈ کپ کوالیفائر 2 کے دوسرے میچ میں بھی اردن نے پاکستان کو شکست دے دی۔
تفصیلات کے مطابق عمان کے انٹرنیشنل اسٹیڈیم میں کھیلے گئے میچ میں اردنی ٹیم شروع سے ہی حاوی رہی اور مقابلہ با آسانی 0-7 سے جیت لیا۔
اردن کے موسیٰ التماری نے تین گول کرکے ہیٹ ٹرک اسکور کی۔
سولہ سال کے عرصے میں پاکستان کی یہ سب سے بڑے مارجن سے ناکامی ہے ۔
پاکستانی ٹیم نے اسلام آباد میں کھیلے گئے گزشتہ میچ کی طرح اچھی کارکردگی کا مظاہرہ نہیں کیا جبکہ میزبان ٹیم میچ کے آغاز سے ہی جارحانہ موڈ میں نظر آئی۔
فیفا رینکنگ میں اردن کی 70 ویں جبکہ پاکستان کی 195 ویں پوزیشن ہے۔
واضح رہے کہ کوالیفائر 2 میں پاکستان ا بھی تک اپنے چاروں میچز میں شکست کھا چکا ہے۔
پاکستان کو ورلڈ کپ کے دوسرے کوالیفائنگ راؤنڈ میں 6 جون کو سعودی عرب اور 11 جون کو تاجکستان کے ساتھ میچز کھیلنے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News