پاکستان سپر لیگ (پی ایس ایل) کے نویں ایڈیشن میں ملتان سلطانز کی نمائندگی کرنے والے عثمان خان نے ملک کی نمائندگی کی خاطر بڑی آفر ٹھکرادی۔

پاکستان سپر لیگ نائن میں بہترین بلے باز کا اعزاز حاصل کرنے والے نوجوان کھلاڑی نے پاکستان کی  نمائندگی کی خاطر متحدہ عرب امارات (یو اے ای) کرکٹ بورڈ کو سینٹرل کنٹریکٹ ختم کرنے کا نوٹس بھیج دیا ہے جس کے لیے  پی سی بی نے انہیں قانونی مشاوت فراہم کی ہے۔

خیال رہے کہ عثمان خان اگر پاکستانی ٹیم کی نمائندگی کرنے سے انکار کردیتے تو وہ 14 ماہ بعد یو اے ای کی نیشنل ٹیم سے کرکٹ کھیلنے کے اہل ہوجاتے تاہم انہوں نے پاکستانی ٹیم کی نمائندگی کرنے کو بہتر سمجھ۔ا

اس سے قبل امارات کرکٹ بورڈ نے ان کو مالی مشکلات سے بچانے کیلئے سینٹرل کنٹریکٹ بھی دیا تھا، رواں سال آئی ایل ٹی ٹوئنٹی میں انھوں نے مقامی کھلاڑی کی حیثیت سے گلف جائنٹس کی نمائندگی کی تھی۔

گوکہ وہ پاکستانی پاسپورٹ ہولڈر تھے لیکن اسکے باوجود بھارتی اونر کی فرنچائر میں بطور لوکل پلئیر شمولیت اختیار کی۔

انکا آئی ایل ٹی میں 50 ہزار ڈالر (یعنی تقریبا ایک کروڑ 40 لاکھ پاکستانی روپے) معاوضہ ملا تھا۔