بھارتی ایروناٹکس لمیٹڈ کے تیجس ایم کے ون کا پہلا ورژن ناکام ہوگیا۔
غیر ملکی خبر رساں ادارے کے مطابق بھارتی ایروناٹکس لمیٹڈ کے تیجس ایم کے ون کا پہلا ورژن ناکام ہوگیا جب کہ تیجس کے 2 نئے ورژنز کی ڈیلیوری بھی تاخیر کا شکار ہے۔
بھارتی فضائیہ کے مستقبل کے منصوبوں پر ناکامی کے بادل منڈلانے لگے ہیں، تیجس ایم کے ون اے کی ڈیلیوری کے لئے 31 مارچ کی ڈیڈ لائن بھی حاصل نہ ہوسکی۔
ایم کے ون اے تیجس کو ہندوستان ایروناٹکس لمیٹڈ کی جانب سے 31 مارچ سال 2024ء کو بھارتی فضائیہ کے حوالے نہیں کیا جا سکے گا۔
بھارتی اخبار ہندوستان ٹائمز نے تیجس کی ناکامی کا پردہ چاک کردیا، حقیقت یہ ہے کہ تیجس ایم کے ون اے کی ابھی میڈ ان فلائٹ ہی نہیں ہوپائی۔
بھارتی اخبار کے مطابق تیجس ایم کے ون اے کی بہت ساری اہم سرٹیفیکیشنز بھی ہونا باقی ہیں جب کہ اس میں ابھی بہت سارے سافٹ ویئر کے ایشوز باقی ہیں۔
بھارتی فضائیہ نے83 ایم کے ون اے تیجس کا آرڈر فروری سال 2021 میں دیا تھا، 83 ایم کے ون اے تیجس کی قیمت بھارتی روپوں میں 48 ہزار کروڑ روپے بتائی گئی تھی۔
بھارتی فضائیہ نے 67 ہزار کروڑ کے عوض 97 مزید ایم کے ون تیجس خریدنے کا بھی منصوبہ بنارکھا ہے، تیجس کی بھارتی فضائیہ میں شمولیت اور مکمل آپریشنلائزیشن بہت بڑا سوالیہ نشان ہے۔
تیجس کو حال ہی میں وایو شکتی ایکسرسائز میں ناکامی اور شرمندگی کا سامنا کرنا پڑا ہے جب کہ تیجس اپنے میزائل سے ڈرونز کو نشانہ بنانے اور بم گرانے میں بھی ناکام رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News