کرکٹ آسٹریلیا کے سی ای او نک ہوکلے نے پاک بھارت مقابلے کے لیے مدد کی پیشکش کردی۔

کرکٹ آسٹریلیا کے سی ای او نک ہوکلے نے ایم سی جی میں پاک بھارت شائقین کی تقریب کے موقع پر میڈیا سے گفتگو کی جس دوران انہوں نے کہا کہ پاک بھارت کرکٹ کے لئے ہم اپنا کردار ادا کرنا پسند کریں گے۔

نک ہوکلے نے کہا کہ ہم تمام ممبر ممالک کے ساتھ اپنے تعلقات کی قدر کرتے ہیں، ہم پاکستان کی دوبارہ میزبانی کرنے کے لئے پرجوش ہیں جب کہ ہم بھارت کی میزبانی کے لئے بھی پرجوش ہیں۔

ان کا کہنا تھا کہ اگر ہم پاک بھارت کرکٹ کے لئے کوئی مدد کرسکتے ہیں تو یہ بہت اچھی بات ہے، میں سمجھتا ہوں کہ یہ کئی لحاظ سے باہمی سیریز کا معاملہ ہے۔

کرکٹ آسٹریلیا کے سی ای او کہتے ہیں کہ باہمی سیریز کو ممکن بنانا دوسروں کا کام ہے لیکن اگر ہم کوئی مدد کرسکتے ہیں تو یہ ہمیں کرکے اچھا لگے گا۔

اگر کوئی موقع ملتا ہے تو ہمیں پاک بھارت سیریز کی میزبانی کرکے اچھا محسوس ہوگا، نیو یارک میں پاکستان بھارت کے مقابلے کے سب منتظر ہیں ہم یہ مقابلے زیادہ سے زیادہ دیکھنا چاہتے ہیں۔

انہوں نے بتایا کہ پاکستان بھارت مقابلے کم از کم آنے والے سیزن میں ممکن نہیں، شیڈول بہت مصروف ہے اور پیچیدہ بھی ہے۔

نک ہوکلے نے مزید کہا کہ یہاں جتنے بھی لوگ موجود تھے وہ ایم سی جی میں پاک بھارت مقابلے کے لئے آئے تھے۔