چیئرمین پی ٹی آئی بیرسٹر گوہر علی خان کا کہنا ہے کہ ہمیں اسمبلی میں بھی لیول پلیئنگ فیلڈ نہیں دی جارہی ہے۔
پاکستان تحریک انصاف کے چیئرمین بیرسٹر گوہر علی نے میڈیا سے گفتگو کرتے ہوئے کہا کہ آج کا قومی اسمبلی کا اجلاس بہت ضروری تھا، آج کے اجلاس کا بنیادی مقصد عدلیہ کی آزادی تھا، حکومت نے آئین کی خلاف ورزی کی، حکومت نے یکم اپریل کا ایجنڈا آج دہرایا، یہ جعلی حکومت ہے، ان کو ملک قیوم جیسے ججز چاہیں۔
انہوں نے کہا کہ آصفہ بھٹو کے حلف پر ہر پاکستانی کا احتجاج بنتا ہے، ہم نے بھرپور احتجاج کیا، آصفہ بھٹو کو معلوم بھی نہیں ہوگا کہ اس کا حلقہ کونسا ہے، یہ پاکستان کی تاریخ کی پہلی حکومت ہے جو قومی اسمبلی اجلاس کا بائکاٹ کر رہی ہے۔
چیئرمین پی ٹی آئی کا کہنا تھا کہ ہمیں اسمبلی میں بھی لیول پلیئنگ فیلڈ نہیں دی جارہی ہے، آج کا اجلاس تاخیر سے شروع کروایا، آج کا اجلاس صرف آصفہ بھٹو کے حلف کے لیے مختص کیا گیا، 70 فیصد پاکستانیوں کو سڑکوں پہ آنے کے لیے مجبور کیا جارہا ہے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
