اعلیٰ امریکی سیکیورٹی عہدیدار نے مشرق وسطیٰ میں کشیدگی کے باعث بھارت کا دورہ ملتوی کردیا ہے۔
خلیجی میڈیا کے مطابق کے مطابق نئی دہلی میں امریکی سفارت خانے نے کہا کہ امریکہ کے قومی سلامتی کے مشیر جیک سلیوان نے مشرق وسطی میں جاری واقعات کی وجہ سے اس ہفتے ہونے والا ہندوستان کا دورہ ملتوی کردیا ہے۔
ہفتے کے آخر میں اسرائیل پر ایران کے میزائل اور ڈرون حملے کے بعد خطے میں وسیع تر تنازع کے خدشات بڑھ گئے ہیں۔
شام میں اپنے سفارت خانے کے احاطے پر مشتبہ اسرائیلی حملے کے بعد ایران کی جانب سے جوابی کارروائی میں سینکڑوں ڈرونز اور میزائل داغے جانے کے بعد خطے میں وسیع تر تنازعے کے خدشات بڑھ گئے ہیں۔ زیادہ تر ڈرونز اور میزائل اسرائیلی علاقے میں پہنچنے سے پہلے ہی مار گرائے گئے تھے۔
امریکی وزیر دفاع لائیڈ آسٹن نے پیر کے روز مشرق وسطیٰ اور یورپ کے ہم منصبوں سے ٹیلی فون پر بات چیت کی اور ایران کی جانب سے حملوں کے بعد اسرائیل کی حمایت کا اظہار کیا۔
پینٹاگون کا کہنا ہے کہ ایران کی جانب سے امریکا کو اسرائیل پر حملے کے بارے میں پیشگی آگاہ نہیں کیا گیا تھا اور واشنگٹن تہران کے ساتھ تنازع نہیں چاہتا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News