پاکستان کرکٹ بورڈ (پی سی بی) نے غیر فعال کرکٹ ٹیکنیکل کمیٹی کو ختم کر دیا۔
تفصیلات کے مطابق پی سی بی کی ویب سائٹ پر اب صرف دو کمیٹیاں موجود ہیں جن میں سینئر و جونیئر قومی سلیکشن کمیٹی اور ویمن نیشنل سلیکشن کمیٹی شامل ہیں۔
کرکٹ ٹیکنیکل کمیٹی سابق چیئرمین مینجمنٹ کمیٹی ذکاء اشرف نے بنائی تھی جسے مصباح الحق ہیڈ کررہے تھے جبکہ عثمان تسلیم سیکرٹری اور جنید ضیاء ممبر تھے۔
محمد حفیظ کمیٹی کی سفارشات کو اہمیت نہ دینے پر کمیٹی سے پہلے ہی الگ ہو گئے تھے۔ بعد ازاں مصباح الحق بھی ٹی وی شو سے منسلک ہونے پر کمیٹی سے الگ ہو گئے تھے۔
ذکاء اشرف نے کپتان اور کوچز کی تبدیلی کا فیصلہ بھی کمیٹی سے مشاورت کے بغیر کیا تھا۔
ٹیکنیکل کمیٹی کا آخری اجلاس ایشیا کپ کے بعد اور ورلڈکپ سے پہلے ستمبر میں ہوا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News