عالمی مالیاتی فنڈ (آئی ایم ایف) مشن مذاکرات کے لیے آئندہ ماہ پاکستان پہنچ جائے گا۔
ذرائع وزارت خزانہ کا کہنا ہے کہ آئی ایم ایف سے نئے قرض پروگرام کے لیے میٹنگز کے دوران قرض معاہدے کے لیے ریٹرن درخواست تیار کرلی گئی۔
ذرائع کا کہنا ہے کہ ایم ڈی آئی ایم ایف سے ملاقات کے دوران وزیر خزانہ نئے قرض پروگرام کے لیے 2 درخواستیں کریں گے۔ آئی ایم ایف سے ایکسٹنڈڈ فنڈ فیسلیٹی اور کلائیمیٹ چینج کے لیے اضافی فنڈ کی درخواستیں کی جائیں گی۔
ذرائع وزارت خزانہ کا کہنا ہے کہ موسمیاتی تبدیلیوں سے نمٹنے کے لیے اقدامات، مختص بجٹ پر آئی ایم ایف حکام کے لیے بریفنگ تیار کی گئی۔
گورنراسٹیٹ بینک، سیکرٹری وزارت خزانہ آئی ایم ایف حکام سے ملاقات کے دوران معاشی اعشاریوں سے آگاہ کریں گے۔
ایم ڈی آئی ایم ایف سے مثبت بات چیت کے نتیجے میں آئی ایم ایف مشن مذاکرات کے لیے آئندہ ماہ پاکستان پہنچے گا۔ مشن نئے قرض پروگرام اور آئندہ مالی سال کے بجٹ کی تیاری میں معاشی ٹیم کے ساتھ کام کرے گا۔
ذرائع کا کہنا ہے کہ عالمی بینک حکام سے بھی ملاقات کے دوران فنانسنگ بڑھانے کے لیے معاشی ٹیم بات چیت کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News