وزیرخارجہ اسحاق ڈاراورسعودی وزیرخارجہ فیصل بن فرحان نے ملاقات کے دوران غزہ میں جنگ بندی اوراسرائیلی مظالم بند کرنے پر زوردیا۔

ترجمان دفترخارجہ کے مطابق وزیرخارجہ اسحاق ڈار نے وزارت خارجہ میں سعودی وزیرخارجہ شہزادہ فیصل بن فرحان کااستقبال کیا۔

ملاقات کے دوران اسحاق ڈارنے اقتصادی اورسیکیورٹی تعاون مزید مضبوط بنانےکےعزم کااعادہ کیا اوروزیرخارجہ نےخطےمیں امن وسلامتی کیلئےسعودی عرب کےکردارکوسراہا۔

ترجمان دفترخارجہ کا کہنا ہے کہ ملاقات کے دوران تجارتی، سرمایہ کاری کےتعاون کےامکانات پرتبادلہ خیال کیاگیا، وزیرخارجہ نےسرمایہ کاری کےمواقع اورایس آئی ایف سی کےکردارپرروشنی ڈالی۔

دفترخارجہ کی جانب سے جاری بیان میں کہا گیا کہ سعودی وزیرخارجہ نےپرتپاک استقبال پروزیرخارجہ کاشکریہ اداکیا، سعودی وزیر خارجہ نےپاکستان کےساتھ تعلقات کی اہمیت کواجاگرکیا۔

ترجمان دفترخارجہ کا کہنا ہے کہ خطےکی حالیہ پیشرفت اورغزہ کی سنگین صورتحال پربھی تبادلہ خیال کیا گیا اوردونوں وزرائے خارجہ نے جنگ بندی اوراسرائیلی مظالم بند کرنےپرزوردیا۔

اس سے قبل وزیرخارجہ اسحاق ڈارنے سعودی وزیرخارجہ فیصل بن فرحان کے ہمراہ مشترکہ نیوز کانفرنس بھی کی۔