اسرائیل کے حملے کے خطرے کے پیش نظر ایران نے جوہری تنصیبات بند کر دی ہیں۔
خلیجی میڈیا کے مطابق اقوام متحدہ کے جوہری نگران ادارے کے سربراہ نے پیر کے روز کہا ہے کہ ایران نے ہفتے کے آخر میں اسرائیل پر بڑے پیمانے پر میزائل اور ڈرون حملوں کے پیش نظر “سلامتی کے خدشات” پر اپنی جوہری تنصیبات کو عارضی طور پر بند کر دیا ہے۔
اقوام متحدہ کی سلامتی کونسل کے اجلاس کے موقع پر صحافیوں سے گفتگو کرتے ہوئے بین الاقوامی جوہری توانائی ایجنسی (آئی اے ای اے) کے سربراہ رافیل گروسی سے پوچھا گیا کہ کیا وہ حملے کے جواب میں ایران کی جوہری تنصیب پر اسرائیلی حملے کے امکان کے بارے میں فکرمند ہیں۔
سربراہ رافیل گروسی نے کہا کہ ہم ہمیشہ اس امکان کے بارے میں فکر مند ہیں لیکن میں آپ کو یہ بتا سکتا ہوں کہ ایران میں ہمارے معائنہ کاروں کو ایرانی حکومت کی طرف سے مطلع کیا گیا تھا کہ (اتوار کو) وہ تمام جوہری تنصیبات جن کا ہم روزانہ معائنہ کر رہے ہیں، سلامتی کے خدشات کی بنا پر بند رہیں گے۔
سربراہ رافیل گروسی نے کہا کہ پیر کے روز مراکز دوبارہ کھلنے والے تھے، لیکن انسپکٹر اگلے دن تک واپس نہیں آئیں گے۔
انہوں نے مزید کہا کہ میں نے فیصلہ کیا ہے کہ جب تک ہم یہ نہیں دیکھ لیتے کہ صورتحال مکمل طور پر پرسکون ہے تب تک انسپکٹروں کو واپس نہیں آنے دیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News