امیر جماعت اسلامی حافظ نعیم الرحمان کی اپیل پر جماعت اسلامی کے کارکنوں نے کسانوں کے ساتھ احتجاجی ریلی میں شرکت کی۔
تفصیلات کےمطابق سیالکوٹ میں امیر جماعت اسلامی حافظ نعیم الرحمان کی اپیل پر کارکنان نے کسانوں کی احتجاجی ریلی میں شرکت کی۔
احتجاجی ریلی کی قیادت ضلعی امیر جماعت اسلامی چوہدری امتیاز بریار نے کی، شرکاء ریلی نے ہاتھوں میں بینرز اور پلے کارڈز اٹھا رکھے تھے، مظاہرین نے اپنے مطالبات کے حق میں نعرے بازی بھی کی۔
ضلعی امیر جماعت اسلامی چوہدری امتیاز ہریار نے کہا کہ پورے پنجاب میں کسان اس وقت رل رہا ہے، کسان نے جس طرح کھاد، زرعی ادویات، مہنگا ڈیزل خریدا اس قیمت میں اس کی لاگت بھی پوری نہیں ہوتی۔
ان کا کہنا تھا کہ حکومت نے مارچ میں ایک ارب روپے کی گندم امپورٹ کی جسکی نا تو ضرورت تھی اور نا ہی کوئی کوالٹی ہے۔
احتجاج سے خطاب میں ضلعی امیر جماعت اسلامی نے کہا کہ اگر کسان اگلی فصل لگانے کے قابل نا رہا تو پاکستان میں گندم کا شدید بحران آ جائے گا.
انہوں نے کہا کہ ہمارا مطالبہ ہے کہ کسان کو گندم کی قیمت پانچ ہزار روپے فی من ملنی چاہیے اور حکومت فوری طور پر کسانوں پر بنائے گئے جھوٹے مقدمات ختم کرے۔
کسانوں کی احتجاجی ریلی سے خطاب کرتے ہوئے کسان رہنما ادریس گھمن نے کہا کہ ھم چاہتے ہیں کہ پاکستانی عوام کو سستی روٹی ملے، اور حکومت اپنے ہی مقرر کردہ ریٹ پر گندم خریدے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News