سماجی رابطے کی ویب سائٹ پر دعویٰ کیا جا رہا ہے کہ اردن کی شہزادی پائلٹ سلمی نے ایرانی ڈرونز کو مار گرائے ہیں۔
بھارتی میڈیا نے یہ خبر دی ہے کہ سوشل میڈیا پر یہ دعویٰ کیا گیا ہے کہ شاہ عبداللہ اور اردن کی ملکہ رانیہ کی تیسری اولاد شہزادی سلمیٰ بنت عبداللہ نے اسرائیل جاتے ہوئے اردن کی فضائی حدود میں داخل ہونے والے ایرانی ڈرونز کو مار گرایا۔
واضح رہے کہ گزشتہ سال دسمبر میں شہزادی سلمیٰ اس دستے کا حصہ تھیں جس نے غزہ کے ایک اسپتال میں امدادی سامان پہنچایا تھا۔
اگرچہ شہزادی سلمیٰ رائل اردن ایئر فورس کی پائلٹ ہیں لیکن سوشل میڈیا پر وائرل ہونے والی تصویر گمراہ کن ہے اور اس دعوے کی تصدیق کسی سرکاری ذرائع نے نہیں کی ہے کہ انہوں نے ایرانی ڈرونز کو گرانے کے آپریشن میں حصہ لیا تھا۔
وائرل ہونے والی پوسٹس میں کہا گیا ہے کہ اردن کی شہزادی سلمیٰ نے گزشتہ رات 6 ایرانی ڈرون مار گرائے، جس میں اردن کی فضائیہ کے پائلٹ یونیفارم میں 23 سالہ شہزادی کی تصویر تھی۔
تاہم جو تصویر بڑے پیمانے پر شیئر کی جا رہی ہے وہ 2023 کی ہے، جس کی تصدیق پچھلے سال کے متعدد خبروں نے کی ہے جن میں ایک ہی تصویر ہے.
ان پوسٹس کے وائرل ہونے کے بعد ایکس، جسے پہلے ٹوئٹر کے نام سے جانا جاتا تھا، نے ایک کمیونٹی نوٹ شامل کیا جو پلیٹ فارم کا فیچر ہے جو صارفین کو سیاق و سباق کو شامل کرنے اور گمراہ کن اور جعلی پوسٹس کی جانچ پڑتال کرنے کی سہولت دیتا ہے۔
ایکس کے کمیونٹی نوٹ میں کہا گیا ہے کہ یہ دعویٰ فرضی اور من گھڑت ہے۔
کمیونٹی نوٹ میں ایکس کا کہنا تھا کہ اردن کی شہزادی سلمیٰ غزہ میں طبی سامان گرانے کے لیے فضائیہ کے اقدام کی قیادت کر رہی ہیں اور یہ 15 دسمبر 2023 کو شائع ہوا تھا.
ایکس نے کمیونٹی نوٹ میں مزید لکھا کہ پراپیگنڈا کرنے والے اسرائیل اور ایران کے درمیان بڑھتے ہوئے تنازعے پر اپنا پروپیگنڈا کرنے کے لیے ڈیجیٹل طور پر تبدیل شدہ خبروں کو پھیلا رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News