پاکستان کرکٹ بورڈ (پی سی بی) نے قذافی اسٹیڈیم لاہور کے قریب 4 ارب روپے میں کثیر المنزلہ عمارت خریدی لی۔
پی سی بی نے مقامی اور غیر ملکی کرکٹرز کی رہائش کا دیرینہ مسئلہ حل کرتے ہوئے قذافی اسٹیڈیم لاہور کے قریب 4 ارب روپے میں کثیر المنزلہ عمارت خریدی لی ہے۔
رپورٹ کے مطابق قذافی اسٹیڈیم کے قریب ایک کثیر المنزلہ عمارت کی تعمیر جاری تھی کہ سیکیورٹی خدشات کے باعث پی سی بی نے اس پر اعتراض اٹھادیا۔
اس دوران قانونی تنازعات بھی پیدا ہوئے جس کے بعد عمارت کی تعمیر کو روک دیا گیا جب کہ بلڈرز نے فلیٹس کے لیے لوگوں سے پیسے بھی جمع کیے تھے جس کے باعث وہ پھنس گیا۔ تاہم بلڈر نے عمارت کو پی سی بی کو فروخت کرنے کی پیشکش کی۔
رپورٹ میں کہا گیا ہے کہ پی سی بی یہ عمارت باضابطہ طور پر 4 ارب روپے میں خرید لی ہے لیکن ابھی عمارت نامکمل حالت میں ہے لہذا اسے ہوٹل میں تبدیل کرنے کے لیے تزئین و آرائش کی ضرورت ہوگی۔
واضح رہے کہ نیشنل کرکٹ اکیڈمی لاہور میں رہائش کی معیاری سہولیات موجود ہیں لیکن ٹیموں کے ٹہرانے کے لیے کمروں کی تعداد کم ہے۔ پی سی بی لاہور کے بعد کراچی میں بھی نیشنل بینک اسٹیڈیم کے قریب ہوٹل بنانے کا ارادہ رکھتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News