بلوچستان میں بارش برسانے والا سسٹم داخل ہوگیا، مختلف علاقوں میں گرج چمک کے ساتھ موسلادھاربارش کا سلسلہ جاری ہے۔
پی ڈی ایم اے حکومت بلوچستان کی جانب سے کہا گیا ہے کہ آج گوادر، جیونی، سنٹسراورماڑہ، کیچ، مند، تُمپ، پنچگور، واشک، خاران، چاغی، نوشکی، کوئٹہ مستونگ، قلات، لسبیلہ،خضدار، سوراب، زیارت، چمن، قلعہ عبداللہ، کچھی، سبی دُکی اور اس پاس کے علاقوں میں بارش کا امکان ہے۔
گوادر، پسنی، جیونی، کیچ، مند، تُمپ،واشک،چاغی،خضدار،قلات،مستونگ میں بارش ہورہی ہے، ضلعی انتظامیہ گوادر، کیچ انتظامیہ متعلقہ اضلاع میں امدادی کاموں میں مصروف عمل ہے۔
ضلع ہرنائی میں بند سڑکوں کی بحالی کے لیے انتظامیہ کام کررہی ہے چھوٹی گاڑیوں کے لیے راستہ بحال کیا گیا ہے، پی ڈی ایم اے حکومت بلوچستان کی طرف سے تمام اضلاع کے انتظامیہ کو الرٹ رہنے کی ہدایت دی گئی ہے۔
ترجمان پی ڈی ایم کا کہنا ہے کہ اب تک تمام علاقوں میں صورتحال تسلی بخش ہے، گزشتہ 24 گھنٹے میں کسی نقصان کی اطلاع نہیں ہے، آسمانی بجلی و چھتیں گرنے کی وجہ سے صوبے میں 12 اپریل 2024سے اب تک 08 افراد جاں بحق ہوئے ہیں اور 09 افراد کے زخمی ہونے کی اطلاعات ہیں۔
پی ڈی ایم اے بلوچستان کا کہنا ہے کہ بارش و سیلابی پانی کی وجہ سے اب تک صوبے میں 40 کے لگ بھگ گھروں کو کافی نقصان پہنچا ہے اور 92 کے قریب گھروں کو جزوی نقصان پہنچنے کی اطلاعات ہیں۔ جن کے تخمینہ لگانے کے لیے متعلقہ اضلاع میں سروے جاری ہے۔
صوبے میں اب تک لنک سڑکوں کو بھی کچھ اضلاع میں نقصان پہنچا ہے۔ جن کی بحالی کے لیے متعلقہ اضلاع کی انتظامیہ کام کررہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News