سعودی ولی عہد کا دورہ پاکستان رواں ماہ متوقع

سلمان علی اعوان

06th May, 2024. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی ولی عہد کا دورہ پاکستان رواں ماہ متوقع

سعودی ولی عہد شہزادہ محمد بن سلمان کا دورہ پاکستان رواں ماہ ہی متوقع ہے۔

سفارتی ذرائع کے مطابق سعودی ولی عہد شہزادہ محمد بن سلمان کے دورے کے حوالے سے تاریخوں کو حتمی شکل دینے کے لیے کام جاری ہے۔

یہ سعودی ولی عہد کا 2019 کے بعد پاکستان کا پہلا دو طرفہ دورہ ہوگا۔

سفارتی ذرائع کا کہنا ہے کہ وزیر اعظم شہباز شریف نے سعودی ولی عہد کے دورے سے متعلق انتظامی امور کی خود نگرانی کرنے کا فیصلہ کیا ہے۔

وزیراعظم نے سعودی مہمان کی آمد تک کہیں بھی بیرون ملک نہ جانے کا فیصلہ کیا ہے۔

سفارتی ذرائع کا مزید کہنا ہے کہ سعودی ولی عہد اپنے وفد کے ہمراہ پاکستان آئیں گے۔ ان کے دورہ پاکستان میں 5 ارب ڈالر کی سرمایہ کاری کے فیصلوں پر عمل درآمد کی یادداشتوں پر دستخط متوقع ہیں۔

سفارتی ذائع کا کہنا ہے کہ سعودی ولی عہد کے دورے سے متعلق حتمی تاریخ رواں ہفتے میں طے ہوجائے گی۔