گولائتھ فراگ، دنیا کا سب سے بڑا مینڈک ہے لیکن اب ماہرین نے خبردار کیا ہے گزشتہ تین عشروں میں اس کی آبادی نصف سے کم ہوچکی ہے اور اس کی سوفیصد ذمے داری انسانوں پر عائد ہوتی ہے۔
تھوتھنی سے لے کر دمچی تک اس مینڈک کی لمبائی 13 انچ ہوتی ہے اور وزن سوا تین کلوگرام تک نوٹ کیا گیا ہے۔ اس سب سے بڑے مینڈک کا قدرتی مسکن یا گھر بہت ہی مختصر ہے۔ یہ نایاب جانور، افریقی ملک کیمرون سے لے کر خط استوا گنی کے بعض مخصوص علاقوں میں پایا جاتا ہے۔ یہ انسانوں سے دور رہنا پسند کرتا ہے۔
لیکن اب انہیں پکڑنے کے نفیس جال اور انسانی ہاتھوں ان کے گھر تباہ ہونے سے گولائتھ مینڈک کی آبادی تیزی سے کم ہورہی ہے۔ بعض ماہرین نے اسے معدومیت یا مکمل خاتمے کے دہانے پر قرار دیا ہے۔
گولائتھ مینڈک شکار کی وجہ سے تیزی سے ختم ہورہا ہے اور وائس آف نیچر نامی این جی او کے مطابق نسل خیزی کے موسم میں ہر سال کم سے کم بیس ہزار مینڈک شکار کئے جاتے ہیں جو ہر سال ماہِ نومبر میں آتا ہے۔ ایک مینڈک15 ڈالر میں فروخت کیا جاتا ہے کا سوپ تیار کیا جاتا ہے۔
دوسری جانب جنگلات کی بے دریغ کٹائی سے بھی یہ جانور تباہی کے دہانے پر پہنچ چکا ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News