میئر کراچی وسیم اختر نے کہا ہے کہ ، کیا ہم نالے ہی صاف کرتے رہیں گے؟ نالوں میں کچرا پھینکنے کا سلسلہ بند ہونا چاہئے۔
تفصیلات کے مطابق میئر کراچی وسیم اختر نالوں میں کچرا پھینکنے پر برس پڑے، میڈیا سے گفتگو کرتے ہوئے ان کا کہنا تھا کہ کراچی شہر کے نالے کچرے سے بھرے ہوئے ہیں۔
وسیم اختر نے کہا کہ دنیا ہم پر ہنس رہی ہے، ہم نے نالوں کی صفائی کرائی لیکن نالے پھر کچرے سے بھرگئے۔
میئر کراچی کا کہنا تھا کہ نالوں کے اطراف کے گھروں میں گٹر کا پانی جارہا ہے، شہری نالوں میں کچرا نہ پھینکیں۔
میئرکراچی وسیم اخترکا مزید کہنا تھا کہ کراچی میں سیوریج کا سسٹم بھی درست کرنے کی ضرورت ہے۔
واضح رہے کہ کراچی میں مون سون کی با رشوں اور کچرے کی صفائی پر کا فی دنو ں سے سیاست اور لفظی تکرار چل رہی ہے۔
اسی سلسلے میں علی زیدی نے کراچی صفائی مہم کا آغا زکیا اور دیکھتے ہی دیکھتے کراچی کی صفائی سیاست بن گئی۔
اس سے قبل مئیر کراچی نے مصطفی کمال کو ان کے بلند وبالا دعوئوں کو سننے کے بعد تین ما ہ کےلئے کراچی کی صفائی کا چارج دے دیا لیکن چو بیس گھنٹوں کے بعد ہی وسیم اختر نےانھیں معطل بھی کر دیا اور ایک نئی بحث چھڑ گئی تھی ۔اس کے بعد مصطفی کمال کی معظلی کے معاملے کو عدالت میں بھی چیلنج کردیا گیا تھا۔
جبکہ کراچی میں چئیرمین پاک سرزمین پارٹی مصطفیٰ کمال نے پریس کانفرنس میں کہا تھا کہ میئرکراچی نےکل میری پروجیکٹ ڈائریکٹر کی تقرری کا نوٹی فکیشن جاری کیا،مئیرکے آڈرکوتسلیم کرتے ہوئےمیں نے اپنی پوزیشن سنبھال لی تھی انہیں پوری دنیاکےسامنے باس تسلیم کیاتھا لیکن چند گھنٹوں میں ہی میئر نے میری تقرری کا آرڈر منسوخ کردیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News