موسلا دھار باشوں کی پیش گوئی کے بعد آئی جی سندھ ڈاکٹر سیدکلیم امام نے سندھ پولیس کو ہائی الرٹ کردیا ہے۔
تفصیلات کے مطابق کراچی میں موسلا دھار بارشوں کی پیش گوئی کے پیش نظر آئی جی سندھ نے پولیس کو ہائی الرٹ کردیا ہے ۔
آئی جی سندھ کا کہنا ہے کہ مرتب کردہ رین ایمر جنسی پلان پراس کی روح کے مطابق عمل درآمد کو یقینی بنایا جائے۔
آئی جی سندھ کا مزید کہنا ہے کہ نشیبی علاقوں کی شاہراہوں/گلیوں/محلوں سے پانی کی نکاسی کے لیےتمام تراقدامات متعلقہ اداروں سے روابط کے تحت یقینی بنائےجائیں اور بارشوں کے پانی سے سڑکوں پرخراب ہوجانےوالی گاڑیوں کو فوری ہٹاکر سڑکوں کو کلیئر کرنے کے اقدامات کیے جائیں ۔
ڈاکٹرسید کلیم امام نے بارشوں کے دنوں میں تمام ایس ایس پیز ضلعی/ٹریفک متعلقہ ایس ایچ اوز/سیکشن افسران کو علاقوں میں موجودگی کاپابند رہنے کا حکم جاری کرتے ہوئے کہا کہ بارشوں کے باعث خراب ہونےوالی گاڑیوں اور متاثرہ شہریوں کی رہنمائی اورمعاونت کو یقینی بنایا جائے۔
آئی جی سندھ کا مزید کہنا تھا کہ بارشوں کے دوران ٹریفک لائٹس سگنلز، چوراہوں،یوٹرنز،ٹریفک جنکشنز وغیرہ پرٹریفک ہولیس افسران اور جوانوں کی تعیناتی کو یقینی بنایا جائے۔
جبکہ سندھ بھر کے تمام وائرلیس کنٹرول رومز/ٹریفک پولیس کنٹرول پرتمام علاقوں میں بارشوں کی صورتحال/ریسکیوورکنگ/سڑکوں پرٹریفک صورتحال کی لمحہ بہ لمحہ رپورٹنگ کی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News