پاکستان میں سیاسی انتشار کا سب سے زیادہ فائدہ ہندوستان کو ہوا، سراج الحق
امیر جماعت اسلامی سراج الحق نے کہا ہے کہ پاکستان میں سیاسی انتشار کا سب سے زیادہ نقصان کشمیر کواور فائدہ ہندوستان کو پہنچا ہے۔
تفصیلات کے مطابق امیر جماعت اسلامی سراج الحق نے میڈیا سے گفتگو کرتے ہوئے کہا کہ بھارتی روز ہمارے بارڈر پر حملے کررہے ہیں بھات کشمیر کے ایشو سے توجہ ہٹانے کے لیے اوچھے ہتھکنڈے استعمال کررہا ہے، 5 اگست سے کشمیر میں 80 لاکھ لوگ محصور ہیں، کشمیری مسلمانوں کی نگاہیں صرف پاکستان کی طرف ہیں۔
سینیٹر سراج الحق نے کہا کہ حکومت اور اپوزیشن نے تحریک آزادی کشمیر کو کنٹینر کی سیاست کی نذر کردیا ہے۔
سراج الحق کا کہنا تھا کہ اسلام آباد اس وقت ایک کنٹینر سٹی کا منظر پیش کررہا ہے، عوام اپنا پیٹ کاٹ کر حکومت کو جو پیسہ ملکی ترقی کیلئے دیتے ہیں وہ سڑکیں بند کرنے پر خرچ ہورہا ہے۔
امیر جماعت اسلامی کا یہ بھی کہنا تھا کہ بی آرٹی منصوبہ پشاورکے شہریوں کیلئے عذاب بن گیا ہے، ایک کروڑ نوکریاں اور پچاس لاکھ گھر دینے والے اپنے وعدوں سے پھر رہے ہیں۔
امیر جماعت اسلامی سراج الحق کا مزید کہنا تھا کہ حکومت اب تک کسی ایک فرد کا احتساب کرسکی نہ کسی سے ایک روپیہ واپس لے سکی کیونکہ حکومت کی اپنی صفوں میں وہ لوگ بیٹھے ہیں جن کا خود احتساب ہونا چاہیے۔
واضح رہے کہ اس سے قبل بھی امیر جماعت اسلامی سراج الحق نے حیدرآباد میں گاڑی کہاتہ چوک پر کشمیر مارچ کے شرکا سےخطاب کرتے ہوئے کہا تھا کہ 70 دنوں کے اندر کشمیر کا سری نگر ایک قبر بن چکی ہے, لوگ نماز کے لیئے نہیں نکل پارہے۔
امیر جماعت اسلامی کا کہنا تھا کہ اگر حکومت کا ضمیر نہیں جاگا تو مسئلہ کشمیر پر ہم خود میدان میں اترینگے کیونکہ کشمیر کے لیئے ہماری جان بھی قربان ہے۔
سراج الحق کا یہ بھی کہنا تھا کہ ہمیشہ اللہ تعالی نے مسلمانوں کو ایمان اور مقابلہ کرنے کی صلاحیت دی اور22 سال سے کشمیری فقط پاکستان کے لیئے اور اپنی آزادی کے لیئے جدوجہد کررہے ہیں۔
جماعت اسلامی سراج الحق کا مزید کہنا تھا کہ افسوس ہے حکومت اور وزیر اعظم کی محدود سوچ کی وجہ سے مسئلہ کشمیر پر سیاسی جماعتوں کو اعتماد میں نہیں لیا، ہم اعلان کرتے ہیں کہ پاکستان کی حکومت اقوام متحدہ کی طرف نہ دیکھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News