جو مولانا کا ساتھ دے گا وہ تباہ ہوگا، شیخ رشید

محمد سدھیر چوہدری

19th Oct, 2019. 03:30 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

جو مولانا کا ساتھ دے گا وہ تباہ ہوگا، شیخ رشید

وزیر ریلوے شیخ رشید کا کہنا ہے کہ جو بھی مولانا فضل الرحمٰن کا ساتھ دے گا وہ تباہ ہو گا۔

لاہور میں نیوز کانفرنس کرتے ہوئے وزیر ریلوے شیخ رشید نے کہا کہ مذاکرات کے دروازے بند کرنا ملکی جمہوریت پر شب خون مارنے کے مترادف ہے، اگر جمہوریت پر شب خون مارا گیا تو ایک ایک سال سے پڑے کیسوں کے فیصلے جھٹ منگنی اور پٹ بیاہ کی طرح ہوں گے۔

شیخ رشید نے کہا کہ دھرنا دھندلا ہوا ہے، فضل الرحمان کو فیس سیونگ دی جاسکتی ہے مولانا غفور حیدری کہتے دھرنا گرے لسٹ میں ہے ۔

شیخ رشید کا کہنا تھا کہ ملک جس حالات سے گزر رہاہے سیاستدان ایک این آر او کی مار ہے لیکن عمران خان این آر او دینے کو تیار نہیں۔

انہوں نے کہا کہ سیاست میں ٹائمنگ کی بہت اہمیت ہے، جب بھی علما نے تحریک چلائی ہے ملک میں مارشل لاء لگا ہے۔

شیخ رشید کا کہنا ہے کہ صورتحال خراب ہوئی تو سب سے زیادہ نقصان نواز شریف اور آصف زرداری کو ہوگا، گائوں کے سیاسی چودھری مر جائیں مولانا فضل الرحمٰن کو اقتدار نہیں مل سکتا۔

انہوں نے کہا قومی سلامتی کے اداروں نے پاکستان سے وفاداری کا حلف اُٹھایا ہے۔ ملکی ادارے سیاسی انتشار اور خلفشار کے بارے میں بہت فکرمند ہیں۔