مسلم لیگ ن کا رویہ افسوسناک ہے، فردوس عاشق اعوان
معاون خصوصی ڈاکٹر فردوس عاشق اعوان نے کہا ہے کہ مسلم لیگ ن کا رویہ شرمناک اور افسوسناک ہے۔
اسلام آباد میں معاون خصوصی اطلاعات فردوس عاشق اعوان کی میڈیا سے گفتگو کرتے ہوئے کہا کہ مسلم لیگ ن کے اس رویے کی مذمت کرتی ہوں کیونکہ مسلم لیگ ن کا رویہ شرمناک اور افسوسناک ہے اور تاثر دیا جا رہا ہے کہ حکومت نواز شریف کی فیملی سے تاوان طلب کر رہی ہے۔
انکا کہنا تھا کہ شہباز شریف کمرے میں بیٹھ کر گارنٹی بانڈ کی حمایت اور باہر آ کر نفی کرتے ہیں، شہباز شریف کے دہرے معیار اوردو بیانیوں سے قوم گمراہ نہیں ہو گی جبکہ حکومت نے نواز شریف کو قانون میں رہتے ہوئے ہر ممکن سہولت کاری فراہم کی اور حکومت نے نواز شریف کی صحت کے ساتھ کوئی کھلواڑ نہیں کیا ہے۔
حکومت تاوان لیناچاہتی ہے،شہباز شریف
ڈاکٹر فردوس عاشق اعوان کا کہنا تھا کہ تحریک انصاف عدالتوں کا احترام کرتی ہے اور عدلیہنواز شریف کو جو بھی ریلیف دے حکومت اس پر من و عن عمل کرے گی لیکن حکومت کسی پریشر میں آئے بغیر انسانی ہمدردی کی بنیاد پر ریلیف دے رہے ہیں جبکہ زلفی بخاری اور پرویز مشرف کے کیس میں کوئی بھی عدالت سے سزا یافتہ نہیں تھا لیکن ن لیگ کا بیانیہ ہے کہ اتنا جھوٹ بولو کہ وہ سچ لگنے لگے۔
اُن کا مزید کہنا ہے کہ انڈیمنٹی بانڈ جمع کروائیں اور نواز شریف کو باہر لے جائیں۔
جمعیت علماء اسلام (ف) کے آزادی مارچ پر بات کرتے ہوئے فروس عاشق اعوان کا کہنا تھا کہ مولانا فضل الرحمٰن کے ’پلان بی‘ کے بھی فلاپ ہونے کی توقع ہے۔
قبل ازیں میڈیا اسلام آباد ہائی کورٹ کے باہر میڈیا سے گفتگو کرتے ہوئے فردوس عاشق اعوان کا کہنا تھا کہ لیگی رہنما عوام کو نواز شریف کی بیرونِ ملک روانگی سے متعلق گمراہ کرنے کی کوشش کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News