معاون خصوصی اطلاعات فردوس عاشق اعوان نے کہا ہے کہ اسلام فوبیا سے جڑا بیانیہ عالمی امن کے لیے خطرہ ہے، اوآئی سی اور یورپی یونین میں توہین قرآن کا معاملہ اٹھائیں گے۔

 تفصیلات کے مطابق اسلام آباد میں معاون خصوصی اطلاعات فردوس عاشق اعوان نے پریس کانفرنس سے خطاب کرتے ہوئےکہا کہ وزیر اعظم عمران خان کی زیرصدارت پی ٹی آئی کور کمیٹی کا اجلاس ہوا ، جس میں پی ٹی آئی کور کمیٹی نے ناروے واقعے کی شدید الفاظ میں مذمت کی۔

معاون خصوصی اطلاعات نے کہا کہ اعوان آئی سی، یورپی یونین میں اس معاملے کو اٹھائیں گے جبکہ او آئی سی اجلاس میں حکومت اور عوام پاکستان کی طرف سے قرارداد پیش کی جائے گی۔

فردوس عاشق اعوان نے یہ بھی کہا کہ توہین مذہب سے انتہاپسندی کی سوچ پروان چڑھتی ہے اور توہین قرآن سے دنیا بھر میں مسلمانوں کی دل آزاری ہوتی ہے۔

یس کانفرنس سے خطاب میں معاون خصوصی کا کہنا تھا کہ معیشت میں پہلی باربجٹ خسارے میں قابو پالیا گیا جس پر وزیر اعظم نے معاشی اعشاریوں میں بہتری پر معاشی ٹیم کی کارکردگی کو سراہا۔

معاون خصوصی اطلاعات نے کہا کہ اجلاس میں معیشت کے ثمرات عوام تک منتقل کرنے کیلئے واضع حکمت عملی کی ہدایت کی گئی ہے جبکہ کور کمیٹی نے بھی معاشی ٹیم کی کاوشوں کو بھی سراہا۔

فردوس عاشق اعوان نے یہ بھی کہا کہ پی ٹی آئی فارن فنڈنگ کی اصطلاح کی مذمت کرتی ہے، لیگل ٹیم اپنا مؤقف الیکشن کمیشن کے سامنےرکھے گی، تحریک انصاف کادامن صاف ہے۔

معاون خصوصی اطلاعات فردوس عاشق اعوان کا ہنا تھا کہ فارن فنڈنگ کیس میں تمام سیاسی جماعتوں کو آڈٹ کیا جائے، کسی ایک جماعت کوٹارگٹ نہ کیاجائے، یہ تاثر دیا جارہا ہے کہ پی ٹی آئی حقائق چھپارہی ہے، پی ٹی آئی فارن فنڈنگ کیس کے تمام ثبوت جمع کراچکی ہے۔

پریس کانفرنس کرتے ہوئے فردوس عاشق اعوان کا مزید کہنا تھا کہ دلبرداشتہ اپوزیشن میڈیا میں آنے اور عوام کو گمراہ کرنے کیلئے جھوٹا پروپیگنڈا کررہی ہے، جعلی خبروں کاخاتمہ ہوناچاہئے، اجلاس میں الیکشن کمیشن سے متعلق اپوزیشن کے بیانیے پرتحفظات کا اظہار کیا گیا۔