پاکستان مسلم لیگ ن کے رہنما اور صدر شہباز شریف نے کہا ہے کہ کارکنون کی دعائیں رنگ لائیں ہیں اور عدالت نے نواز شریف کو بیرون ملک جانے کی اجازت دیدی ہے۔
لاہور میں پریس کانفرنس کرتے ہوئے شباز شریف کا کہنا تھا کہ عدالت نے 4 ہفتوں کی اجازت دی ہے لیکن عدالت نے انسانی بنیادوں پر نوازشریف کے حق میں فیصلہ دیا ہے اس موقع پر عدالت عالیہ اور قوم کا دل کی گہرائیوں سے شکر گزار ہوں۔
انکا مزید کہنا تھا کہ نواز شریف کے علاج کے لئے اربوں روپےکےبانڈزکی شرط بھی ختم ہوگئی ہے جبکہ علاج کے بعد صحت بہتر نہ ہونے پر عدالت کو مدت میں توسیع کی درخواست دے سکتے ہیں۔
دوسری جانب ذرائع کا کہنا ہے کہ حسن نواز نے مریم نواز کو فون کیا ہے جس پر مریم نواز نے کہا ہے کہ نواز شریف کی باہر جانے کی تیاری مکمل ہے۔
انہوں نے کہا ہے کہ نواز شریف کی روانگی کا سامان تیار ہوگیا ہے بس کلیئرنس سرٹیفکٹ ملنے پر ایئرایمبولینس تیار ہوگی۔
پاکستان مسلم لیگ (ن) کی ترجمان مریم اورنگزیب نے سابق وزیراعظم محمد نوازشریف کی صحت کے حوالے سے بیان دیتے ہوئے کہا ہے کہ عدالتی فیصلے پر اللہ تعالی کا شکر ادا کرتے ہیں اور دعا کرتے ہیں کہ قائد محمد نواز شریف کو صحت کاملہ عطاء فرمائے جبکہ محمد نواز شریف کو علاج کے لیے بیرون ملک منتقل کرنے کی تیاریاں ہنگامی بنیادوں پر شروع کر دی گئی ہیں۔
انہوں نے بتایا کہ محمد نواز شریف کو طویل ہوائی سفر کے لئے طبی طور پر تیار کرنے کے لئے ڈاکٹرز کو 48 گھنٹے درکار ہیں جبکہ بیرون ملک فضائی سفر کے دوران محمد نوازشریف کے پلیٹ لیٹس برقرار رکھنے، دل کی کسی ممکنہ تکلیف سے بچاو کے لئے ڈاکٹرز طبی احتیاطوں کی تیاری کے عمل میں ہیں۔
انکا مزید کہنا تھا کہ ڈاکٹرز اس امر کو یقینی بنانے کی تگ و دو میں ہیں کہ دوران سفر کسی ممکنہ ایسی طبی پیچیدگی سے بچا جاسکے جو محمد نوازشریف کی زندگی کے لئے مہلک ثابت ہوسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News