اپوزیشن لیڈر شہباز شریف نے عدالت میں حاضری سے استثنا کی درخواست پاکستانی ہائی کمیشن لندن میں جمع کرادی۔
درخواست میں موقف اختیار کیا کہ وہ بھائی کے علاج معالجے میں مصروف ہیں اسلیئے انکی جگہ انکے وکیل پیش ہونگے، شہباز شریف نے پاکستانی ہائی کمیشن لندن سے حلف نامے اور پاور آف اٹرنی کی تصدیق کروا لی۔
پاکستانی ہائی کمیشن لندن میں جمع کرائی گئی درخواست میں استدعا کی گئی ہے کہ انہیں جاری کیسز میں پیش ہونے سے استثنا دیا جائے۔
شہباز شریف کا کہنا تھا انہوں نے اپنے وکیل کے نام پاور آف اٹارنی ارسال کردی ہے کہ انکی جگہ وکیل محمد نواز چوہدری عدالت میں پیش ہونگے۔
پاکستان ہائی کمیشن لندن عملے نے حلف نامہ اور پاور آف اٹارنی کا قانونی پہلووں سے جائزہ لیا اور تمام قانونی تقاضے پورے ہونے پر دستاویزات کی تصدیق کردی گئی ہے۔
یاد رہے کہ سابق وزیراعلیٰ پنجاب شہباز شریف، پنجاب اسمبلی میں قائد حزب اختلاف حمزہ شہباز اور دیگر فیملی ارکان کے خلاف نیب میں مختلف کیس اور تحقیقات کی جارہی ہیں تاہم اس کے علاوہ بھی شہباز شریف فیملی پر سرکاری فنڈز میں سے خُردبرد کے الزامات عائد کیے گئے ہیں۔
حمزہ شہباز اِن دنوں جوڈیشل ریمانڈ پر کوٹ لکھپت جیل میں قید ہیں جبکہ شہباز شریف بھی ضمانت پر ہیں۔
گزشتہ دنوں نیب نے شہباز شریف فیملی کے خلاف زیر تحقیقات کیسز میں مختلف انڈسٹریز میں فیملی ممبران کے حصص منجمد کیے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News