وزیراعظم عمران خان ایک روزہ دورے پرسعودی عرب پہنچ گئےہیں جہاں وہ خادم الحرمین الشریفین شاہ سلمان اور سعودی ولی عہد شہزادہ محمد بن سلمان سےملاقاتیں کریں گے۔
تفصیلات کے مطابق وزیراعظم عمران خان مسجد نبوی پہنچے ہیں جہاں انہوں نےمسجد نبوی میں نوافل ادا کیےاور ملک و قوم کے لیے دعائیں مانگیں۔ وزیراعظم نے روضہ رسول ﷺ پر حاضری بھی دی ہے۔
دفتر خارجہ کےترجمان کے مطابق وزیراعظم اپنے سعودی عرب میں ایک روزہ دورے کے دوران دوطرفہ اموراورخطے میں حالیہ پیشرفت پرتبادلہ خیال کریں گے۔
دفترخارجہ کےترجمان کا کہنا ہےکہ وزیراعظم عمران خان کا دورہ سعودی عرب دونوں ممالک کے درمیان پچھلے دوروں کا تسلسل ہے۔
ترجمان نے کہاہےکہ دورہ سعودی عرب پاکستان اور سعودی قیادتوں کے مابین رابطوں کے سلسلے کی ایک کڑی بھی ہے۔
وزیراعظم کے بھانجے کی گرفتاری کیلئےچھاپہ
خیال رہے کہ اس سے قبل وزیراعظم عمران خان نےرواں سال اکتوبرمیں بھی سعودی عرب کا ایک روزہ دورہ کیا تھا جہاں ان کا گورنر ریاض نے ایئرپورٹ پہ استقبال کیا تھا۔
یاد رہے کہ وزیراعظم عمران خان کےگذشتہ دورے میں بھی ان کی سعودی فرماں روا شاہ سلمان بن عبدالعزیز اور سعودی ولی عہد محمد بن سلمان سے ملاقاتیں ہوئی تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News