خوشخبری ۔ حکومت پاکستان کا عوام کو بڑا ریلیف دینے کا اعلان۔ حکومت نے گیس کے صارفین کو 30 ارب روپے کی سبسڈی دینے کا فیصلہ کیا ہے۔

پریس کانفرنس کرتے ہوئے وزیراعظم کی معاون خصوصی برائے اطلاعات فردوس عاشق اعوان کا کہنا تھا کہ عمران خان نے سردیوں میں صارفین کو بلا تعطل گیس فراہم کرنے کی
ہدایت دی ہے اور حکم دیا ہے کہ کم پریشر والے علاقوں میں گیس کی فراہمی بہتر بنائی جاے۔

فردوس عاشق اعوان کا مزید کہنا تھا کہ وزیر اعظم نے سلیبز کے حساب سے گیس بلز کا نوٹس لیا ہے۔

انہوں نے مزید بتاتے ہوے کہا کہ  وزیر اعظم نے کابینہ کو ہدایت کی ہے کہ عوامی ریلیف کو یقینی بنایا جاے، وزیراعظم نے وفاق کے تحت اسپتالوں کو جدید سہولیات دینےکی ہدایات دیں ہیں۔

فردوس عاشق اعوان نے کہا کہ کابینہ اجلاس میں وزیراعظم عمران خان نے ذخیرہ اندوزی کے خلاف کارروائی کرنے کی ہدایت جاری کی جب کہ ڈاکٹر عشرت حسین کے ماتحت کمیٹی کو فوڈ لاز بنانے کی ہدایت بھی دی ہے۔

وزیراعظم کی معاون خصوصی برائے اطلاعات کا مزید کہنا تھا کہ مفرور اور سزا یافتہ افراد میڈیا پر آکر ملکی قوانین کا مذاق اڑاتے ہیں ، کابینہ کے اجلاس میں مفرور اور سزا یافتہ افراد کے میڈیا میں بیانات کو روکنے کے لیے لائحہ عمل بنانے کی ہدایت کی گئی ہے۔