گورنر پنجاب چوہدری محمد سرور نے کہا ہے کہ پوری قوم افواج پاکستان کے ساتھ متحد کھڑہے۔
تفصیلات کے مطابق چوہدری محمد سرور نے یوتھ پارلیمنٹ سوشل میڈیا کنونشن سے خطاب کرتے ہوئے کہا کہ افواج پاکستان نے قوم کے ساتھ ملکر دہشت گردوں کو شکست دی ہے۔
تقریب سے خطاب کرتے ہوئے گورنر پنجاب چوہدری محمد سرور نے کہا کہ عمران خان ہی وہ واحد لیڈر ہیں جو ملک کو ترقی کی راہ پر گامزن کر رہے ہیں اور آ نیوالا ہر دن ملک کے لیے ترقی اور خوشحالی لا رہا ہے۔
گورنر پنجاب کا کہنا تھا کہ الحمد اللہ معاشی اور سفارتی محاذ پر حکومت بھرپور کامیابیاں حاصل کر رہی ہے جبکہ تحریک انصاف کی کامیابی میں یوتھ کا اہم کردار ہے اور کامیاب نوجوان جیسے پروگرام بھی نوجوانوں کے لیے حکومت کی محبت کا ثبوت ہے۔
چوہدری محمد سرور کا یہ بھی کہنا تھا کہ نریندر مودی کے ہوتے ہوئے بھارت کو کسی دشمن کی ضرورت نہیں وہ خود بھارت کا سب سے بڑا دشمن ہے۔
مشیر سیاسی امور صدر سنٹرل پنجاب کی گورنر پنجاب سے ملاقات
گورنر پنجاب چوہدری محمد سرور کا مزید کہنا تھا کہ پاکستان نے مسئلہ کشمیر کو دنیا بھر میں اجاگر کیا ہے جبکہ انتہا پسندی اور انسانیت کا قاتل مودی دنیا میں بے نقاب ہو چکا ہے۔
واضح رہے اس سے قبل گورنر پنجاب چودھری محمد سرور سے کورین بدھ مت کے صدر وینریبل ونہینگ کی سربراہی میں 70 رکنی وفد کی ملاقات ہوئی تھی۔
گورنر ہاؤس میں ہونیوالی ملاقات میں پاکستان میں مذہبی سیاحت، بدھ مت مذہب کے ثقافتی ورثے کی تزئین و آرائش، بحالی اور انکو دنیا بھر کے بدھ مت پیروکاروں کے لیے کھولنے کے حوالے سے گفتگو کی گئی تھی ۔
اس موقع پر گورنر پنجاب چودھری محمد سرور کا مزید کہنا تھا کہ کوریا کے ساتھ ہمارے اچھے تعلقات ہیں۔ ہم پاکستان میں مذہبی سیاحت اور ثقافت کے فروغ کے لیے کوشاں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News