کراچی میں پانی کیلئے عوام سراپا احتجاج

امجد قائم خانی

03rd Dec, 2019. 10:50 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

کراچی میں پانی کیلئے عوام سراپا احتجاج

پانی کے ناقص نظام سے پریشان شہری واٹر اینڈ سیوریج بورڈآفس کے باہر سراپا احتجاج رہے۔

تفصیلات کے مطابق حلقہ این اے 243 میں پانی و سیوریج کی بدحالی کے خلاف واٹر بورڈ کے دفتر کے باہر فکس اٹ نے احتجاجی مظاہرہ کیا، ہاتھوں میں پلے کارڈز اٹھائے شہریوں کے ہمراہ رکن قومی اسمبلی عالمگیر خان بھی پیش پیش رہے اور ایم ڈی، واٹر اینڈ سیوریج بورڈ کے خلاف نعرے بازی بھی کی۔

احتجاج کے دوران ایم ڈی، واٹر اینڈ سیوریج بورڈ اسد اللہ خان نے عالمگیر خان سے ملاقات بعد ازاں میڈیا سے گفتگو کرتے ہوئے فکس اٹ کے بانی کا کہنا تھا کہ میں اختیارات کا رونا نہیں رو نگا بلکہ میں عوامی مسائل کے لئے لڑوں گا۔

کراچی: نارتھ ناظم آباد کے رہائشی گٹر کا پانی پینے پر مجبور

اس موقع پر رکن قومی اسمبلی عالمگیر خان کہتے ہیں پر امن احتجاج کرونگا چاہے وزیراعلی ہاؤس ہی کیوں نہ جانا پڑے۔

ایم ڈی، واٹر اینڈ سیوریج بورڈ کی مسائل کے حل کی یقین دہانی پر احتجاج ختم کر دیا گیا ۔

واضح رہے اس سے قبل گورنر سندھ عمران اسماعیل کا کراچی انٹرنیشنل واٹر کانفرنس کی اختتامی تقریب سے خطاب میں کہنا تھا کہ واٹر کانفرنس کا انعقاد خوش آئند ہے۔

گورنر سندھ عمران اسماعیل نے کہا تھا کہ کراچی اور سندھ پانی کی قلت کا شکار ہے جبکہ کراچی سب سے زیادہ ریونیو دینے والا شہر ہے۔

گورنر سندھ عمران اسماعیل نے کہا تھا کہ ہمیں دنیا کی طرح مختلف طریقے سے سوچنا ہوگا اور پانی کو تین سے چار مرتبہ استعمال کرنا ہوگا جسکے لئے حکومت اس طرح کے گیجٹ امپورٹ کررہی ہے اور یہ گیجٹ یونیورسٹی عبادت گاہوں کو مفت دیں گے کیونکہ مساجد اور دیگر عبادت گاہوں میں پانی کو دوبارہ استعمال کیا جاسکتا ہے، وضو کرنے والے دوسروں کی سہولت کے لیے نل کھلا چھوڑ جاتے ہیں۔