وزیراعظم عمران خان نے کہا ہے کہ معاشی ٹیم اور تاجروں کے درمیان معاہدے پرخوشی ہے۔

اسلام آباد میں تاجربرادری سے خطاب کرتے ہوئے وزیراعظم عمران خان نے کہا کہ حکومت ملک میں صنعت کے فروغ پر کام کر رہی ہے کیونکہ اس شعبے کی ترقی کے بغیر ترقی یافتہ پاکستان کے خواب کو عملی جامعہ نہیں پہنایا جا سکتا۔

وزیراعظم عمران خان کا کہنا ہے کہ تاجر برادری سے کہتا ہوں ہمارے پارٹنر بنیں مشکلات ختم کریں گے، تاجر برادری کو ہماری مدد کرنی ہے۔

وزیراعظم عمران خان نے کہا ہے کہ حکومت کاروبار میں آسانی کے لئے جراتمندانہ اقدامات کر رہی ہے۔

انہوں نے کہا کہ حکومت کی جانب سے کئے گئے اقدامات کے باعث اشیائے خوردونوش کی قیمتوں میں آئندہ دنوں میں کمی آئے گی۔

کاروباری وفد کا وزیراعظم کو خراج تحسین پیش

تقریب سے خطاب کرتے ہوئے عمران خان کا کہنا تھا کہ اسپتال کیلئے اسکول کے بچوں اور معاشی ٹیم اور تاجروں نے میری بہت مدد کی ہے۔

انہوں نے بتایا کہ مہم کےدوران تاجروں نے بتایا کہ ٹیکس سسٹم پر اعتماد نہیں ہے لیکن برا لگتا تھا کہ ملک قرضے لے رہا ہو اورحکمران عوام کے ٹیکس کا پیسا خرچ کریں کیونکہ قائد اعظم عوام کے ٹیکس کا پیساخود پر خرچ نہیں کرتے تھے اور ہمارے ہاں لوگ ٹیکس کےپیسے اپنی عیاشیوں پرخرچ کرتے رہے ہیں۔

وزیراعظم نے کہا کہ برطانیہ میں حکمرانوں کی جرات ہی نہیں کہ ٹیکس کا ایک پیسا غلط خرچ کرسکیں، ہم نے قائد اعظم کی سوچ نہیں اپنائی اس لیے حکمرانوں نے عوام کا پیسا خود پر خرچ کیا۔

انہوں نے بتایا کہ ماضی کے حکمرانوں نے اپنا پیسا باہر رکھا اور عوام کے پیسے پر عیاشی کی لیکن ہمیں عوام کے پیسےکی قدر ہے، عوام کا پیسا عوام کیلئے ہے کیونکہ حکمران ٹیکس کے پیسے پر شاہانہ زندگی گزاریں تو کون ٹیکس دے گا۔