وزیراعظم عمران خان عالمی اقتصادی فورم کے پانچ اہم رہنماؤں میں شامل کردیئے گئے جس کے بعد وہ ’ٹائم میگزین‘ کے سرورق کی زینت بھی بن گئے۔

تفصیلات کے مطابق امریکی جریدے کےخصوصی ایڈیشن کے سرورق میں پانچ عالمی رہنماؤں کو نمایاں کیا گیا ہے، جن میں عمران خان، اینگلا مرکل ، بل گیٹس،صدر سینٹرل بینک یورپ کرسٹین لیگارڈے، ڈبلیو ای ایف کے بانی کلاوز شوآب شامل ہیں۔

-TIME Magazine names PM Imran Khan among top five leaders for environment https://t.co/W4R4mwA7Hp via @Treasure Magazine

— Treasure Magazine (@TreasureMagazi1) January 19, 2020

سرورق میں چیئر لفٹ پرامریکی صدرکے ہمراہ ماحولیاتی تحفظ کے لیے کام کرنے والی سویڈن کی 16 سالہ طالب علم گریٹا تھنبرگ بھی موجود ہیں۔

ذرائع کے مطابق ٹائم میگزین نے وزیراعظم عمران خان کو ماحولیات کی ترجمانی کرنے والی دنیا کی دیگر پانچ شخصیات میں شامل کیا ہے جن میں ان کے ساتھ  جرمن چانسلر انجیلا مرکل، مائیکروسافٹ کے بانی بل گیٹس، یورپ کے مرکزی بینک کی صدر کرسٹین لیگارڈ اور ایمازون کے مالک جیف بیزوس کی تصاویر بھی سرورق پر شا ئع کی گئی۔

وزیراعظم ورلڈ اکنامک فورم میں شرکت کیلئے ڈیوس روانہ

واضح رہے کہ وزیراعظم عمران خان آج تین روزہ دورے اور عالمی اقتصادی فورم کے موقع پر سوئٹزرلینڈ کے شہر ڈیووس روانہ ہوگئے۔

وزیراعظم عمران خان کی امریکی صدر ڈونلڈ ٹرمپ سے ملاقات  ہوگی، ملاقات کے حولے سے معاملات طے پا گئے یہ ملاقات سوئٹزرلینڈ کے شہر ڈیووس میں عالمی اقتصادی فورم کے موقع پر ہو گی۔

دفتر خارجہ کے مطابق وزیر اعظم عمرن خان کل سے سوئٹزرلینڈ کے شہر ڈیووس روانہ یو رہے ہیں جہاں وہ21 سے 23 جنوری تک عالمی اقتصادی فورم کے اجلاس میں شرکت کریں گے۔

اس کے علاوہ وزیراعظم عمران خان کی ڈیووس ورلڈ اکنامک فورم کے موقع پر دیگر عالمی اداروں کے رہنماؤں، کارپوریٹ بزنس اور ٹیکنالوجی کے ایگزیکٹو سے بھی ملاقاتیں ہوں گی، وزیراعظم ورلڈ اکنامک فورم کے ایگزیکٹو چیئرمین کی دعوت پر اجلاس میں شرکت اور فورم کے خصوصی سیشن سے خطاب کریں گے۔

دفتر خارجہ کے مطابق عمران خان اس اہم اجلاس کے موقع پر کارپوریٹ لیڈرز اور سی ای اوز سے بات چیت بھی کریں گے۔