فردوس عاشق اعوان کا کہنا ہے کہ مودی اسلحے کے انبار خرید کر بھی عمران خان کی کامیاب سفارتکاری کےسامنے بے بس ہے۔

تفصیلات کے مطابق وزیراعظم عمران خان کی معاون خصوصی برائے اطلاعات فردوس عاشق اعوان نے سماجی رابطے کی ویب سائٹ توئٹر پر اپنے ایک پیغام  میں کہا ہے کہ مودی کا انتہا پسند متعصبانہ نظریہ عمران خان کی امن کی سوچ سےشکست کھاچکا، وزیراعظم عمران خان کی قیادت میں پاکستان کا تاثر  پر امن، معاشرے کے طور پر ابھر رہا ہے۔

مودی کا انتہا پسند متعصبانہ نظریہ عمران خان کی امن کی سوچ سے شکست کھا چکا ہے۔صدر ٹرمپ کابیان پاکستان کو دہشت گردی سےجوڑنےکی مذموم بھارتی کوشش پر کاری ضرب ہے۔مودی اسلحے کے انبار اور بارود کے ڈھیر خرید کر بھی عمران خان کی کامیاب سفارتکاری کے سامنے بے بس دکھائی دے رہا ہے۔

— Dr. Firdous Ashiq Awan (@Dr_FirdousPTI) February 26, 2020

معاون خصوص نے کہا کہ ہندوستان ’ہندتوستان‘ میں تبدیل ہوچکا ہے، ٹرمپ کی موجودگی میں مسلمانوں کاقتل عام بھارت کی فسطائی سوچ کا عکاس ہے۔

کشمیریوں پرظلم نے عالمی ضمیر جھنجھوڑ کر رکھ دیا ہے۔ٹرمپ کا یہ بیان ثبوت ہے کہ کشمیر ایک مسلمہ عالمی تنازعہ ہے۔خون ناحق پر پوری دنیا کا آواز بلند کرنا خوش آئندہے۔عالمی برادری سلامتی کونسل کی قراردادوں اور کشمیری عوام کی امنگوں کے مطابق ان کا جمہوری و قانونی حق دلوائے۔

— Dr. Firdous Ashiq Awan (@Dr_FirdousPTI) February 26, 2020

فردوس عاشق اعوان نے کشمیریوں پر جاری مظالم سے متعلق کہا ہے کہ کشمیریوں پرظلم نے عالمی ضمیر جھنجھوڑ کر رکھ دیا ہے، ٹرمپ کا یہ بیان ثبوت ہے کہ کشمیر مسلمہ عالمی تنازع ہے، خون ناحق پر پوری دنیا کا آواز بلند کرنا خوش آئند ہے۔