گڈز ٹرانسپورٹرز کا وزیر اعظم سے ہوٹل اور مکینک کی دکانیں کھولنے کامطالبہ

کفیل احمد

28th Mar, 2020. 04:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گڈز ٹرانسپورٹرز کا وزیر اعظم سے ہوٹل اور مکینک کی دکانیں کھولنے کامطالبہ

آل پاکستان گڈز ٹرانسپورٹ اونر ایسو سی ایشن نے وزیر اعظم عمران خان سے ہوٹل،مکینک کی دکانیں اور ٹرک اڈے کھولنے کا مطالبہ کردیا۔

تفصیلات کے مطابق آل پاکستان گڈز ٹرانسپورٹ اونر ایسو سی ایشن کے رہنما اویس چوہدری نے وزیراعظم سے مطالبہ کیا ہے حکومت عوام کو اشیائے خوردو نوش، غذائی اجناس اور ادویات کی فراہمی کے لیے گڈز ٹرانسپورٹرز کو سہولتیں فراہم کرے۔

اویس چوہدری نے کہا کہ وزیر اعظم نے گڈز ٹرانسپورٹ کو بحال کرنے کا اعلان تو کردیا ہے لیکن ضروری اقدامات کیے بغیر ٹرانسپورٹ سڑکوں پر نہیں لائی جاسکتی۔

مشکل وقت میں حکومت عوام کے ساتھ کھڑی ہے، وزیر اعظم

رہنما آل پاکستان گڈز ٹرانسپورٹ اونرز ایسوسی ایشن کا کہنا ہے کہ مخصوص علاقوں میں ہوٹل، مکینک کی ورک شاپ اور ٹرک اڈے کھولنے ہوں گے۔

انہوں نے کہا کہ گاڑیوں میں مال کی لوڈنگ اور اتارنے کے لیے مزدور مہیا کیے بنا ملک بھر میں سپلائی چین کو برقرار نہیں رکھا جاسکتا۔

واضح رہے کہ ملک میں کورونا وائرس کی وجہ سے صوبہ سندھ اور پنجاب میں مکمل جبکہ دیگر صوبوں میں جزوی لاک ڈاؤن ہے۔ بین الصوبائی آمد و رفت بھی معطل ہے اور تمام ایئرپورٹس بھی بند ہیں۔