وزیرخارجہ شاہ محمود قریشی دارالحکومت میں قائم اٹلی کے سفارت خانے پہنچے  جہاں ان کی  اطالوی سفیر سے خصوصی  سے ملاقات ہوئی۔

ملاقات میں  کروناوائرس کے تباہ کاریوں پر تبادلہ خیال کیا گیا جبکہ شاہ محمود قریشی نے کرونا وبا کے باعث اٹلی میں جانی نقصان پر گہرے دکھ اور افسوس کا اظہار کیا جس پر اطالوی سفیر نے وزیرخارجہ کا خیر مقدم کیا۔

اطالوی سفیر سے ملاقات کے دوران وزیر خارجہ شاہ محمود کا کہنا ہے کہ کروناعالمی وبا نے بہت تیزی کے ساتھ دنیا کو اپنی لپیٹ میں لیا ہے، یہ وہ چیلنج ہے جس کا سامنا ہم سب کو درپیش ہے۔

وزیرخارجہ شاہ محمود قریشی کا یہ بھی  کہنا تھا کہ عالمی آفت سے نمٹنے کے لیے پاکستان محدود وسائل کے باوجود ہر ممکن اقدام کررہا ہے، عالمی چیلنج سے نمٹنے کے لیے اقوام عالم کو متفقہ کاوشیں کرنا ہوں گی۔

وزیرخارجہ شاہ محمود قریشی  سے ملاقات میں اطالوی سفیر نے سفارتخانے آمد اور مشکل گھڑی میں اظہار یکجہتی پر وزیرخارجہ شاہ محمود قریشی کا شکریہ ادا کیا۔

وزیرخارجہ کا مالدیپ ہم منصب سے ٹیلی فونک رابطہ

واضح رہے کہ گزشتہ روز وزیر خارجہ مخدوم شاہ محمود قریشی  نے نیپال کے وزیرخارجہ  پردیپ کمار گیاولی سے ٹیلیفونک رابطہ ہو ا تھا اور وزیر خارجہ نے پاکستان اور نیپال کے مابین سفارتی تعلقات کے ساٹھ سال مکمل ہونیوالے پر نیپالی وزیر خارجہ کو مبارکباد دی تھی ۔

اس مو قع پر دونوں وزرائے خارجہ کے مابین کرونا عالمی وبا کے  پھیلاؤ کو روکنے اور اس چیلنج سے موثر انداز میں نبرد آزما ہونے کے حوالے سے کی جانے والی کاوشوں پر تبادلہ ء خیال ہوا تھا ۔

نیپال کے وزیر خارجہ سے رابطے میں شاہ محمود قریشی نے کہا  تھا کہ سارک ممالک ممبران کے مابین خطے میں نیپال کا کردار قابلِ تحسین ہے، سارک کی صورت میں ہمارے پاس ایک اہم علاقائی پلیٹ فارم موجود ہے پاکستان کی کوشش ہے کہ اس  ایمرجنسی کی صورت حال میں اس پلیٹ فارم کو متحرک اور فعال بنایا جائے۔