کورونا وائرس کے بڑھتے خطرات کے پیش نظر خیبر پختونخوا حکومت نے اسپتالوں میں داخلہ ماسک کے ساتھ مشروط کردیا۔
تفصیلات کے مطابق خیبر پختونخوا حکومت نے اسپتالوں میں داخلہ ماسک کے ساتھ مشروط کرتے ہوئے نوٹیفیکشن جار کیا جس کے تحت کوئی بھی شخص اسپتال میں بغیر ماسک کے داخل نہیں ہوسکتا۔
نوٹیفیکشن نے مزید کہا کہ تمام اسپتال داخلی راستوں پر “نو ماسک ، نو انٹری کے بینرز لگائیں اور صوبے کے تمام اسپتالوں میں احکامات تا حکم ثانی لاگو ہونگے ۔
دوسری جانب اسلام آباد میں گزشتہ چوبیس گھنٹوں کے دوران ماسک نہ پہننے اور سماجی فاصلہ نہ رکھنے پر12افراد کو گرفتار کرلیا گیا، درجنوں افراد پر 12200روپے جرمانہ کیا گیا۔
ایس او پیز کی خلاف ورزی پر 6 ہوٹل اور 19 دوکانیں سیل کی گئ ، ٹریفک ایس اوپیز پر عمل نہ کرنے والے 13 گاڑیوں کے مالکان کو جرمانے کئے گئے۔
ماسک نہ پہننے والوں کیخلاف سخت آپریشن
مختلف علاقوں میں ایس اوپیز کی خلاف ورزی پر 4ورکشاپس اور 2فیکٹریاں سیل کی گئیں۔
واضح رہے کہ پاکستان میں ناصرف کورونا کیسز کی تعداد میں بلکہ اس سے اموات میں بھی تیزی سے اضافہ ہو رہا ہے۔
پاکستان میں کورونا وائرس کے کیسز کی تعداد 98 ہزار 943 ہو چکی ہے، جبکہ اس موذی وباء سے جاں بحق افراد کی کُل تعداد 2 ہزار 2 ہو گئی۔
کورونا وائرس کے ملک میں 63 ہزار 476 مریض اب بھی اسپتالوں، قرنطینہ مراکز اور گھروں میں آئسولیشن میں ہیں، جبکہ 33 ہزار 465 مریض اس بیماری سے صحت یاب ہو چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News