مسلم لیگ ن کی مرکزی نائب صدر مریم نواز نے کہا ہے کہ عمران خان کا اب ایک ہی مقصد ہے اپوزیشن کو دبائو اور عوام کو پکڑو۔

تفصیلات کے مطابق مسلم لیگ ن کی مرکزی نائب صدر مریم نواز نے ماڈل ٹائون میں پریس کانفرنس کرتے ہوئے کہا کہ پی ٹی آئی حکومت بیساکھیوں پر کھڑی ہے اب آپ کے ایم این ایز اور ایم پی ایز حلقوں میں نہیں جا سکتے۔

اپنے بیان میں مسلم لیگ ن کی مرکزی نائب صدر نے کہا کہ عمران خان کی معیشت پر ناکامی نہیں بلکہ وزارت خارجہ سفارتی محاذ پر بری طرح ناکام ہوئے ہیں۔

مریم نواز نے یہ بھی کہا کہ عمران خان کو ناکامیوں کے بعد اس لئے اقتدار سے چپکے ہوئے ہیں آنے کا شوق جانے کا خوف ہے اتنے ظلم کر بیٹھے ہیں کہ جانے اب اپنے انجام سے خوف آتا ہے۔

مسلم لیگ ن کی مرکزی نائب صدر کا کہنا تھا کہ آج کی ترحیجات پہلے سے آخر تک نوازشریف ہے۔

مریم نواز کا یہ بھی کہنا تھا کہ آج کل حکومتی سروے ہورہے ہیں ن لیگ اور نوازشریف کا گراف کہیں زیادہ بڑھ گیا ہے جبکہ عوامی سروے سے پی ٹی آئی حکومت گھبرا گئے ہیں کیونکہ پنجاب سے ن لیگ سویپ کررہی ہے۔

مسلم لیگ ن کی مرکزی نائب صدر نے کہا کہ عمران خان کی کسٹڈی میں نوازشریف موت منہ تک پہنچا آپ کے فیصلے سے وہ باہر گیا جبکہ انسانی ہمدردی پر نوازشریف کو باہر نہیں جانے دیا بلکہ اپنے آپ کو بچانے کےلئے باہر بھجوایا۔

بلایا ہے تو جواب بھی سنیں ، واپس نہیں جاؤں گی

مریم نواز نے یہ بھی کہا کہ عمران خان نوازشریف کی خراب صحت سے گھبرا گئے جبکہ نوازشریف کی صحت پر سیاست کرنے پر انھیں شرم آنی چاہئیے۔

مسلم لیگ ن کی مرکزی نائب صدر مریم نواز نے مزید کہا کہ بجلی کے کارخانے لگائے جب بھی سی پیک کی تصاویر شہیر کرتے ہو لوگ شکریہ نوازشریف کہتے ہیں جبکہ ہر جگہ نوازشریف اس لئے نظرآتاہے کیونکہ ہر جگہ پر نوازشریف ہے اور رہےگا۔

واضح رہے کہ لیگی رہنما مریم نواز کی نیب لاہور آفس میں پیشی کے موقع پر مسلم لیگ ن کے کارکنان مشتعل ہوگئے، پولیس پر پتھراؤ کیا جبکہ کارکنوں نے بیرئیر توڑنے کی بھی کوشش کی، لوگوں کو منتشر کرنے کیلئے پولیس نے لاٹھی چارج، ہوائی فائرنگ اور شیلنگ کی، پولیس نے خواتین سمیت کئی مظاہرین کو گرفتار کرلیا۔

مریم نواز نے نیب پیشی سے قبل اپنی والدہ کی قبر پر حاضری دی۔