وزیراعظم کی چیئرمین قومی کونسل برائے مفاہمت کوجلد دورہ پاکستان کی دعوت
وزیراعظم عمران خان نے چیئرمین قومی کونسل برائے مفاہمت ڈاکٹرعبدااللہ عبداللہ کوجلد...
وفاقی حکومت نے ہاکی کی بہتری کیلئے پاکستان ہاکی فیڈریشن کا آئین تبدیل کرنےکا فیصلہ کر لیا ہے۔
تفصیلات کے مطابق وزیراعظم عمران خان سے وزیر بین الصوبائی ہم آہنگی ڈاکٹر فہمیدہ مرزا کی ملاقات ہوئی جس میں وزیر اعظم نے ہاکی فیڈریشن کو ہاکی کی ترویج اور نئے ٹیلنٹ کو ابھارنے کے لیے ہدایات دی۔
ملاقات میں ہاکی کے فروغ اور پاکستان ہاکی فیڈریشن کے امور پر تبادلہ خیال کیا گیا جبکہ ہاکی کی بہتری کیلئے پاکستان ہاکی فیڈریشن کا آئین تبدیل کرنےکا فیصلہ کیا گیا اور ہاکی فیڈریشن کا آئین تبدیل کرنے پر مشاورت کی گئی۔
اس موقع پر وزیراعظم کو سیکرٹری پی ایچ ایف آصف باجوہ نے فیڈریشن کےامورپربریفنگ دی جس پر وزیراعظم عمران خان نے پاکستان ہاکی فیڈریشن انتظامیہ پرمکمل اظہاراعتماد کا اظہار کیا۔
ملاقات میں وزیراعظم عمران خان نے ہدایت کی کہ پاکستان ہاکی فیڈریشن کا آئین پاکستان کرکٹ بورڈکی طرزپربنایا جائےگا۔
وزیراعظم نے چاروں صوبوں میں ایلیٹ ہاکی اکیڈیمزقائم کرنےکی بھی ہدایت دی اور کہا کہ صوبائی حکومتیں پی ایچ ایف کےساتھ مل کراکیڈیمزکاقیام عمل میں لائے۔
عمران خان نے کہا کہ ہاکی کھیل کی بہتری کیلئےتمام تر وسائل استعمال کئے جائےجبکہ قومی کھیل کو بحال کیا جائے۔
وزیراعظم عمران خان نے مزید کہا کہ خواہش ہے کہ ہاکی کا کھیل دوبارہ ماضی کاعروج حاصل کرے۔
وزیربین الصوبائی ہم آہنگی ڈاکٹر فہمیدہ مرزا کی وزیراعظم عمران خان سے ہونے والی ملاقات میں صدر پاکستان ہاکی فیڈریشن خالد سجاد کھوکھر اور سیکریٹری ہاکی فیڈریشن آصف باجوہ بھی شریک ہوئے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News