جعلی زرعی اجناس فروخت کرنے والی کمپنیاں اب سندھ میں نہیں چلیں گی، منظور وسان
منظور وسان کا کہنا ہے کہ جعلی زرعی اجناس اور پیسٹی سائیڈ...
سابق صدر آصف علی زرداری نے کہا کہ وطن کے خاطر جانیں قربان کرنے والے بہادر جوان قوم کے ہیرو ہیں۔
تفصیلات کے مطابق سابق صدر آصف علی زرداری نے یوم دفاع پر اپنے ایک پیغام میں دھرتی ماں پر جان قربان کرنے والے افسروں اور جوانوں کو خراج عقیدت پیش کیا۔
سابق صدر نے کہا کہ پاک فوج کے بہادر جوان دھرتی ماں کے انچ انچ کی حفاظت کرنا جانتے ہیں۔
آصف علی زرداری نے یہ بھی کہا کہ ہمارے بہادر جوانوں نے سوات کو وطن دشمنوں سے پاک کیا۔
سابق صدر آصف علی زرداری نے مزید کہا کہ شہید ذوالفقارعلی بھٹو نے ایٹمی پروگرام کی بنیاد رکھ کر دشمن کو منہ توڑ جواب دیا جبکہ شہید محترمہ بے نظیر نے میزائل ٹیکنالوجی سے وطن کے دفاع کو مضبوط کیا۔
واضح رہے کہ آج پوری قوم یوم دفاع پاکستان ملی اور قومی جوش و جذبے کے ساتھ منا رہی ہے۔
یوم دفاع کی مناسبت سے علی الصبح وفاقی دارالحکومت میں 31اور صوبائی دارالحکومتوں میں 21، 21 توپوں کی سلامی دی گئی۔ مساجد میں فوج کے شہدا کیلئے قرآن خوانی اور ملکی استحکام کیلئے دعائیں کی گئیں جب کہ دیگر مذاہب کے ماننے والوں کی عبقادت گاہوں میں بھی دعائیہ تقریبات ہوئیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News