پاکستان انٹرنیشنل ایئر لائن(پی آئی اے) نے نے اربعین کے موقع پر عراق کی خصوصی پروازیں چلانے کا اعلان کردیا۔
تفصیلات کے مطابق پاکستان انٹرنیشنل ایئر لائن(پی آئی اے) نے نجف اور بغداد کے لیے خصوصی پروازوں کا شیڈول جاری کر دیا۔
اربعین کے موقع پر کراچی، اسلام آباد اور لاہور سے نجف اور بغداد کے لیے خصوصی پروازیں روانہ ہوں گی۔
خصوصی پروازیں 27 ستمبر سے 5 اکتوبر تک چلائی جائیں گی۔
زائرین کے لیے کراچی، اسلام آباد، لاہور، ملتان اور ملک کے دیگر شہروں سے پرکشش کرایہ متعارف کروادیا گیا ہے۔
پی آئی اے کے سی ای او ارشد ملک کا کہنا ہے کہ تمام مذہبی موقعوں پر خصوصی پروازوں کا انعقاد پی آئی اے کی ہمیشہ سے روایت رہی ہے ۔
سی ای او پی آئی اے نے کہا کہ زائرین کی خدمت اور ان کی معاونت قومی ائیرلائن کی حیثیت سے ہماری ذمہ داری ہے ۔حکومت اور وزیر ہوابازی کی خصوصی ہدایات پر یہ پروازیں ایسے ترتیب دی جارہی ہیں کہ زائرین کو کسی قسم کی دشواری نہ ہو ۔
واضح رہے کہ اربعین پر پروازوں کا مطالبہ بہت عرصے سے کیا جارہا تھا ۔کچھ عرصہ قبل سی ای او پی ائی اے ارشد ملک نے عراقی سفیر سے خصوصی ملاقات کرکے اجازت کی درخواست کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News