پاکستان پیپلز پارٹی کے چیئر مین بلاول بھٹو نے کشمور میں ماں اور بیٹی سے زیادتی کے معاملے کا نوٹس لے لیا۔
تفصیلات کے مطابق پاکستان پیپلز پارٹی کے چیئر مین بلاول بھٹو زرداری نے کشمور میں درندگی کے واقعے پر ماں اور بیٹی سے زیادتی کے معاملے کا نوٹس لے لیا۔
بلاول بھٹو نے کہا کہ اس گھناؤنی درندگی پر انسانیت شرمندہ ہے، یہ واقعہ میرے لیے باعثِ صدمہ ہے۔
چیئر مین پیپلز پارٹی نے کہا کہ مظلومین سے انصاف ہوگا، مجرموں کو قانون کی گرفت میں لاکر قرار واقعی سزا دی جائے گی۔
انہوں نے متعلقہ حکام کو ہدایت کی کہ معصوم بچی اور اس کی والدہ کے علاج معالجے کے ساتھ ساتھ ان کی مکمل نگہبانی کو یقینی بنایا جائے۔
واضح رہے کہ دو روز قبل سندھ کے شہر کشمور میں چار سالہ بچی اور اس کی ماں کو اجتماعی زیادتی کا نشانہ بنایا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News