وزیراعلیٰ پنجاب نے کہا کہ عملی طور پر اپوزیشن کی پوزیشن صفر رہی۔
تفصیلات کے مطا بق لاہور سے جاری کیے گئے ایک بیان میں وزیراعلیٰ پنجاب عثمان بزدارنے کہا کہ اپوزیشن نے ذاتی مفادات کی خاطر قومی یکجہتی کو تباہ کرنے کی مذموم کوشش کی، عوام دو چہروں والے ان سیاستدانوں کی منفی سیاست سے متنفر ہو چکے ہیں۔
انھوں نے کہا کہ اپوزیشن نے عوام کے لیے کچھ نہیں کیا جبکہ تحریک انصاف کی قیادت غریب عوام کا درد سمجھتی ہے۔
عثمان بزدار نے کہا کہ وقت نے ثابت کیا ہے کہ وزیراعظم عمران خان کی قیادت میں حکومت نے بروقت فیصلے کیے۔
انہوں نے کہا کہ ملک میں عدم استحکام پیدا کرنے کی گھٹیا سیاست نہیں چلے گی عوام کے سامنے بلند و بانگ دعویٰ کرنے والوں کی قلعی کھل چکی ہے۔
اُن کا یہ بھی کہنا تھا کہ اپوزیشن جماعتوں نے غیر معمولی حالات میں بھی غیر ذمہ داری کا ثبوت دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News