پی ڈی ایم کی جانب سے ماہ فروری میں بھی جلسے منعقد کرنے کے لئے شیڈول تیار کرلیا گیا ہے۔
تفصیلات کے مطابق آج پی دی ایم کی اسٹرینگ کمیٹی کا اجلاس ہوا جس کی صدارت مولانا فضل الرحمان نے کی اور جس میں مریم نواز کی جانب سے بھی شرکت کو یقینی بنایا گیا ہے۔
اس میٹینگ میں پی ڈی ایم کی قیادت کی جانب سے فروری میں کئے جانے والے جلسوں پر بات چیت کرتے ہوئے ایک شیڈول تیار کیا گیا ہے جس کے مطابق پی ڈی ایم کا 5 فروری کو لیاقت باغ راولپنڈی میں جلسہ کرنے کا فیصلہ کیا گیا ہے۔
تاہم شیڈول کے مطابق پی ڈی ایم 9 فروری کو حیدرآباد میں بھی جلسہ کرے گی۔
دوسری جانب الیکشن کمیشن کے باہر احتجاج کے مطالبات کا ڈرافٹ تیار کرلیا گیا ہے جس میں الیکشن کمیشن سے پی ٹی آئی فارن فنڈنگ کیس کے فوری فیصلے کا مطالبہ کیا جائے گا۔
الیکن کمیشن کے باہر احتجاج کے دوران اسکروٹنی کمیٹی میں پی ٹی آئی کو ملنے والی 23 فارن اکاونٹس سے رقم اور اکاونٹس تفصیلات منظر عام پر لانے کا مطالبہ کیا جائے گا تاہم فیصلے مزید تاخیر نہ کرنے کا بھی مطالبہ کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News