ڈیفنس میں ڈانس پارٹی کے دوران نشے کی زیادتی کے باعث نوجوان کی ہلاکت کیس میں پیشرفت

تنویر علی

17th Apr, 2021. 10:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈیفنس میں ڈانس پارٹی کے دوران نشے کی زیادتی کے باعث نوجوان کی ہلاکت کیس میں پیشرفت

ڈیفنس میں ڈانس پارٹی کے دوران نشے کی زیادتی کے باعث نوجوان کی ہلاکت کیس میں پیشرفت ہوگئی ہے۔

ساؤتھ زون پولیس نے واقعے کے مرکزی ملزم شاہ رخ کو گرفتار کر کے گزری پولیس کے حوالے کردیا ہے۔

ایس ایس پی ساؤتھ زبیر نواز کا کہنا ہے کہ منشیات فروش شاہ رخ پولیس کو انتہائی مطلوب تھا، ڈانس پارٹی میں نشے کی زیادتی کی وجہ سے مبین نامی لڑکا ہلاک ہوا تھا جبکہ شاہ رخ نے مبین کو 3 ایکسٹیسی گولیاں فروخت کی تھیں۔

انہوں نے کہا کہ ملزم نے مبین کو 15 سو روپے فی گولی کے حساب سے فروخت کی تھی، ڈانس پارٹی میں مبین کی اچانک طبیعت خراب ہوئی، جس پر دوستوں کی جانب سے اسپتال منتقل کیا گیا تھا۔

ایس ایس پی ساؤتھ پولیس کا کہنا ہے کہ اسپتال میں مبین کی ہلاکت ہوتے ہی سارے دوست بھی فرار ہوگئے تھے، پوسٹ مارٹم سے پتہ چلا کہ نشے کی زیادتی کی وجہ سے موبین کی موت ہوئی تھی۔

اُن کا کہنا تھا کہ مبین کے دوستوں نے بتایا کہ گولیاں شاہ رخ سے خریدی تھیں، گرفتار ملزم شاہ رخ کا بھائی شاہ اسد اور شاہ فہد بھی منظم جرائم پیشہ ہیں۔