سندھ حکومت کی جانب سے صوبے کے سات ٹیچنگ اسپتالوں میں آکسیجن جنریشن پلانٹ لگانے کا فیصلہ کرلیا گیا ہے۔
ذرائع کے مطابق سول اسپتال کراچی، لیاقت میڈیکل کالج ٹیچنگ اسپتال حیدرآباد اور لیاری میڈیکل کالج ٹیچنگ اسپتال کراچی میں بھی آکسیجن پلانٹ لگائے جائیں گے۔
اسکے علاوہ خیرپور میڈیکل کالج ٹیچنگ اسپتال، چانڈکا میڈیکل کالج ٹیچنگ اسپتال اور نواب شاہ میڈیکل کالج ٹیچنگ اسپتال بھی منصوبے میں شامل ہیں۔
سول اسپتال سکھر میں بھی آکسیجن جنریشن پلانٹ لگایا جائے گا، اسپتال میں لگائے جانے والے آکسیجن جنریشن پلانٹ سے اسپتال کی ضرورت پوری ہوسکے گی۔
اس ضمن میں ذرائع کا کہنا ہے کہ آکسیجن جنریشن پلانٹ اگلے چار ماہ میں لگا دیا جائے گا۔
خیال رہے کہ سول اسپتال سکھر میں روزانہ چار ہزار مریضوں سے زیادہ کی او پی ڈی موجود ہے جبکہ کورونا آئیسولیشن وارڈ بھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News