وزیراعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ ویکسین کی باریکی میں نہ جائیں اللہ کا نام لے کرویکسین لگوائیں۔

نجی ٹی وی پر گفتگو کرتے ہوئے ڈاکٹر فیصل سلطان کا کہنا تھا کہ کورونا کی جو ویکسینز منظور کی ہیں وہ بہترین ہیں، جتنی زیادہ ویکسین لگے گی اتنی جلدی نارمل لائف کی طرف آنے میں کامیاب ہوں گے۔

انہوں نے کہا کہ جب تک آبادی کا بڑا حصہ کور نہیں کرتے نارمل زندگی کی طرف نہیں آپائیں گے، پانچ لاکھ سے زائد افراد کی یومیہ ویکسینیشن ہوگی تو ہدف پورا ہوگا۔

دوسری جانب ڈاکٹر فیصل سلطان کا کہنا ہے کہ امریکہ سے چھ سال کی تربیت کے بعد مجھے دو چیزوں کو احساس ہوا، ایک ماحول اور دوسرا روڈ سیفٹی ہے، اگر آپ وزیر اعظم ہیں یا عام آدمی سانس آپ نے ایک ہی ماحول میں لینا ہے، اسی طرح حادثے کی صورت میں آپ وی آئی پی ہیں غریب ریکسیو اہلکار نے ریسکیو کرنا ہے۔ ہر روز اگر 900 حادثے ہوں گے تو ریکسیو پر بوجھ کتنا ہوگا، ذمہ داری یہ ہے کہ احتیاط کر کے حادثات کو کم کیا جا سکتا ہے۔

انہوں نے کہا کہ 80  فیصد حادثات موٹر سائیکل پر ہوتے ہیں، اسپیڈ کم کر کے بہت سے مسائل سے بچا جا سکتا ہے، ہمارے ملک میں سب سےآسان کام ڈرائیونگ لائسنس بنوانا سمجھا جاتا ہے، ریسکیو اہلکاروں کو خراج تحسین پیش کرتا ہوں۔