خسرو بختیار
وفاقی وزیر صنعت و پیداوار خسرو بختیار نے کہا ہے کہ ملک کا معاشی استحکام ایس ایم ای سیکٹر کی ترقی سے وابستہ ہے۔
خسرو بختیار نے چیمبرز اور تجارتی ایسوسی ایشنز کے اجلاس میں خطاب کرتے ہوئے کہا کہ وزیراعظم عمران خان کے ویژن کے مطابق ایس ایم ای حکومت کی توجہ کا مرکز ہے، حکومت ایس ایم ای سیکٹر کی ترقی پر توجہ دے رہی ہے جس سے ملک میں کاروبار اور روزگار کے مواقع بڑھیں گے۔
ان کا کہنا تھا کہ حکومت نے ایس ایم ای سیکٹر کے مالی مسائل کو حل کرنے اور آسان قرضوں کے اجرا کے لیے مائیکرو فنانس بینکوں کو بھی آن بورڈ لیا ہے۔
خسرو بختیار کا کہنا تھا کہ ایس ایم ای کو ٹیکس ریلیف آسان قرضوں کے لیے فوری رجسٹریشن اور سرکاری ریگولیٹری اتھارٹیز سے این او سی لینے کے لیے خصوصی کارڈ جاری کیا جائے گا۔
انہوں نے اجلاس کے دوران مزید کہا کہ نئی ایس ایم ای پالیسی کا مقصد چھوٹے کاروباروں کو قرضوں کی فراہمی اور ٹیکس میں نرمی سمیت دیگر مراعات مہیا کرنا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
