ٹانک میں فائرنگ سے چار افراد جاں بحق ہوگئے۔

تفصیلات کے مطابق ٹانک میں چلتی ہوئی گاڑی پر فائرنگ کا واقعہ پیش آیا جس سے چار افراد موقع پر ہی  دم توڑگئے۔

پولیس حکام کا کہنا ہے کہ فائرنگ کے واقعے سے دو خواتین سمیت چار افراد جاں بحق ہوئے جن میں میاں بیوی بچہ شامل ہیں۔

تفتیشی حکام نے بتایا کہ یہ ناخوشگوار واقعہ جنوبی وزیرستان شاہراہ پر گرہ پتھر کے مقام پر پیش آیا، گاڑی پر فائرنگ کے واقعے میں جاں بحق ہونے والوں میں ایک راہگیر خاتون بھی شامل ہیں، ملزمان واقعے کے بعد فوری فرار ہوگئے۔

پولیس کا کہنا ہے کہ کپتان نامی ایک خانہ بدوش  اپنی بیوی اور بچے کے ہمراہ کورٹ کی پیشی کے بعد وآپس گھر جارہا تھا، تاک میں بیٹھے ملزمان نے چلتی گاڑی پر فائرنگ کردی ، جس سے وہ جانبر نہ ہوسکے۔

اُنہوں نے مزید کہا کہ یہ واقعہ مستورات کے تنازعہ کا شاخصانہ لگتا ہے، پولیس نے نامعلوم ملزمان کے خلاف ایف آئی درج کرکے ملزمان کی فوری تلاش شروع کردی ہے اور ملزم کی تلاش کے لئے چھاپے مارے جارہے ہیں۔

  اس سے قبل بھی ٹانِک میں اس طرز کے واقعات پیش آچکے ہیں جن میں ایک ستمبر اور دوسرا اکتوبر میں پیش آیا تھا اور اُن دونوں واقعات کو بھی پولیس حکام نے ذاتی دشمنی کا شاخسانہ بتایا گیا تھا۔