مولانا عبدالغفور حیدری نے کہا ہے کہ جے یو آئی امن پسند اور جمہوری جماعت ہے۔
جمعیت علماء اسلام کے مرکزی سیکرٹری جنرل سینیٹر مولانا عبدالغفور حیدری نے آئی جی پنجاب رائو سردار علی کو ٹیلیفونک رابطہ کر کے سانحہ انارکلی پر گفتگو کی۔
مولانا عبدالغفور حیدری نے پولیس کی جانب سے جے یو آئی کے زمہ داران کے ساتھ ناروا رویہ پر افسوس کا اظہار کرتے ہوئے کہا کہ گزشتہ رات سے جے یو آئی کے دو کارکنان کو پولیس اور اداروں نے گرفتار کیا ہے جس پر رائو سردار علی خان نے مولانا عبدالغفورحیدری کو مکمل تعاون کی یقین دہانی دلائی۔
مولانا عبدالغفور حیدری نے کہا کہ پولیس مجرموں کو گرفتار کرنے کے بجائے جے یو آئی کے زمہ داران کو تنگ کر رہی ہے۔
ان کا کہنا تھا کہ جے یو آئی کہ زمہ داران میو ہسپتال پارٹی سربراہ مولانا فضل الرحمان کی ہدایت پر گئے تھے۔
عبدالغفور حیدری نے آئی جی سے گفتگو کرتے ہوئے کہا کہ اس معاملہ کی انکوائری کروائی جائے اور زمہ داران کے خلاف کارروائی کی جائے۔
انہوں نے کہا کہ گزشتہ رات سے لاپتہ کارکنان کی گرفتاری کی فوٹیج بھی سامنے آگئی ہے۔
مولانا عبدالغفور حیدری نے مطالبہ کیا کہ گزشتہ رات سے گرفتار کارکنان کو فوری رہا کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News