صوبائی وزیر داخلہ عطا اللہ تارڑ نے کہا ہے کہ مقبول گجر کے پنجاب میں داخلے کے پلان سے ان کے خطرناک ارادے ظاہر ہوگئے ہیں۔
تفصیلات کے مطابق داخلہ عطا اللہ تارڑ نے مقبول گجر کی طرف سے پنجاب میں پابندی کے باوجود داخلے کی کوشش پر ردِ عمل دیتے ہوئے کہا کہ علی امین گنڈا پور اور مقبول گجر پر پنجاب میں داخلے پر پابندی قانونی طور پر لگائی گئی۔
انہوں نے کہا کہ مقبول گجر کو پنجاب داخلے پر پابندی کا علم ہونے کے باوجود پنجاب میں داخلے کی کوشش ان لوگوں کے مذموم مقاصد ظاہر کرتی ہے، مقبول گجر کے پنجاب میں داخلے کے پلان سے ان کے خطرناک ارادے ظاہر ہوگئے ہیں۔
ان کا کہنا تھا کہ پابندی اس لئے لگائی گئی کہ خدشہ موجود تھا کہ اسلحہ سے لیس جتھے خیبر پختونخواہ اور آزاد کشمیر سے پنجاب آئیں گے، ان کا ارادہ تھا کہ ضمنی الیکشن کے دوران امن و امان کی صورتحال خراب کریں، پنجاب میں ضمنی الیکشن کے دوران کسی کو بدامنی پھیلانے کی ہرگز اجازت نہیں۔
عطا اللہ تارڑ نے کہا کہ اسلحہ سے لیس جتھوں کو کسی صورت پنجاب میں داخل نہیں ہونے دیا جائے گا، اسلحہ سے لیس سب لوگوں کے خلاف پارٹی وابستگی سے بالاتر ہو کر کارروائی میں لائی جائے گی، جہاں بھی اسلحہ کی نمائش کی گئی یا اسلحہ برآمد ہوا تو قانون حرکت میں آئے گا۔
صوبائی وزیر داخلہ عطا اللہ تارڑ کا مزید کہنا تھا کہ اسلحہ بردار لوگوں کو فورا گرفتار کیا جائے گا، الیکشن کے دوران امن و امان قائم کرنا پنجاب حکومت کی بنیادی ذمہ داری ہے، پنجاب پولیس، رینجرز اور قانون نافذ کرنے والے ادارے امن و امان خراب کرنے والوں کو سختی سے روکیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News