واضح رہے کہ سندھ میں سیلابی صورتحال کے باعث محکمہ تعلیم نے صوبے کے تمام تعلیمی ادارے بند کردیئے تھے۔

بلوچستان میں تعلیمی اداروں کی بندش میں توسیع

کوئٹہ: شدید بارشوں اور سیلابی صورتِ حال کو مدِ نظر رکھتے ہوئے بلوچستان حکومت نے صوبے میں تعلیمی اداروں کی بندش میں توسیع کردی گئی ہے۔

اس حوالے سے وزیر تعلیم بلوچستان نصیب اللہ مری کا کہنا تھا کہ صوبے میں تعلیمی ادارے مزید پانچ روز کے لیے بند رہیں گے، تمام سرکاری و نجی اسکولز پیر سے جمعہ تک بند رہیں گے۔

نصیب اللہ مری نے کہا کہ فیصلہ سیلاب و بارشوں کی تباہی کے باعث کیا گیا ہے، سرکاری تعلیمی اداروں میں سیلاب زدگان کو ٹھہرایا گیا ہے جبکہ بیشتر اسکولوں میں سیلاب کا پانی بھی موجود ہے۔

کراچی میں آج بوندا باندی کی پیش گوئی

شہر قائد میں آج بوندا باندی کی پیش گوئی کی گئی ہے۔

محکمہ موسمیات کا کہنا ہے کہ آج شہر میں شام کے اوقات میں بوندا باندی کا امکان ہے جبکہ مطلع ابر آلود رہے گا۔

محکمہ موسمیات نے بتایا کہ آج کم سے کم درجہ حرارت 27  ڈگری سینٹی گریڈ جبکہ زیادہ سے زیادہ درجہ حرارت 35 ڈگری سینٹی گریڈ ریکارڈ ہونے کا امکان ہے۔

محکمہ موسمیات نے مزید بتایا کہ ہوا میں نمی کا تناسب81 فیصد ریکارڈ کیا گیا ہے جبکہ شہر میں 18 کلو میٹر فی گھنٹہ کی رفتار سے جنووب مغربی ہوا چل رہی ہے۔

دوسری جانب ملک کے بیشتر میدانی علاقوں میں آج موسم گرم اور مرطوب رہے گا۔